‘प्रेम दिवस’को प्रचार आफै गर्दै प्रियंका

नायिका प्रियंका कार्की र आयुष्मान देशराज जोशी अभिनित फिल्म ‘प्रेम दिवस’ जेठ ३१ गते देखि प्रर्दशन हुँदैछ । फिल्मको प्रर्दशन मिति आइसक्दा समेत निर्माण पक्ष प्रचार प्रसारमा जुटेको छैन् । निर्माण टिम सुस्ताएपछि फिल्मकी नायिका आफैं ‘प्रेम दिवस’ को प्रचार गर्न कस्सिएकी छिन् ।

प्रियंकाले आफ्नै तरिकाले फिल्म प्रेम दिवसको प्रचार गरिरहेकी छिन् । उनी ईन्स्टाग्राममा निकै सक्रिय छिन् । त्यसैले उनले ईन्स्टामा प्रेम जोडीको लागि एक अभियान चलाएकी थिइन् । प्रेम जोडीले प्रेम भाव झल्कने खाल्को चार वटा फोटो र आफ्नो सम्बन्धको बारेमा खुलाउँदै ‘प्रेम दिवस’ ट्याग गरी इन्स्टामा पठाउने चार उत्कृष्ट पाँचसँग आयंकाले गत शनिबार लन्च डेट गरे ।

यस्तै उनले टिकटलाई पनि प्रेम दिवस प्रचारको अर्को माध्यम बनाएकी छिन् । आफ्ना फ्यानलाई उनले प्रेम दिवसको गीतमा टिकटक बनाउन आग्रह गर्दै उत्कष्ट पाँच जनालाई आउँदो आइतबार भेट गर्ने प्रियंकाले बताइन् । ‘पाँच जनाले म र आयुष्मानसँग टिकटक बनाउनु हुनेछ’, प्रियंकाले भनिन् । यस्तै मंगलबारदेखि प्रेम दिवसको हाजिरी जवाफ प्रतियोगिता सुरु गर्ने प्रियंकाले जानकारी दिइन् । प्रेम दिवससँग सम्बन्धित प्रश्नको सही जवाफ दिने ३ जनालाई विभिन्न उपहार प्रदान गरिने प्रियंकाको भनाई छ । बुधबार बेलुकासम्म हाजिरीजवाफ हुनेछ ।

प्रियंका र आयुष्मानले एकै फिल्ममा काम त गरेका छन् । तर उनीहरु यो फिल्ममा पहिलो पटक जोडीको रुपमा प्रस्तुत भएका छन् । यसैले पनि प्रियंका र आयुष्मानको लागि ‘प्रेम दिवस’ महत्वपूर्ण छ । आयुष्मानले प्रियंकासँग छक्का पञ्जा २ र कथा काठमाण्डूमा स्क्रिन सेयर गरेका छन् । प्रेम जोडी प्रियंका र आयुष्मानको प्रेम दिवसले कस्तो गर्ला ? जेठ ३१ सम्म प्रतिक्षा गरौं ।

प्रतिक्रिया
हाम्रो टिम :-
प्रबन्ध निर्देशक/प्रधान सम्पादक : उत्सब रसाईली
अफिसियल फोटोग्राफर : उद्धव रसाईली
विशेष सल्लाहकार : दिनेश सिटौला
बजार प्रबन्धक : कुशल घतानी
ग्राफिक्स डिजाइनर : विजय बस्याल 'टौवा क्रियशन'
हाम्रो बारेमा
एउटा तीतो यथार्थ के छ भने नेपाली समाजमा फिल्मलाई अझ गम्भीर रुपमा लिइदैन । हल्का र टाइमपास जस्तो मात्र ठानिन्छ । प्रगतीतर्फ उन्मुख भए पनि कलाकर्मीलाई हेर्ने दृष्टिकोण अझ साँघुरो छ । र, यो सम्मानभावलाई अझ चुचुरोमा पुराउँदै फिल्म उद्योगप्रति सबैले सम्मान गर्ने माहौल सिर्जना गर्नु दायित्व पत्रकारिताको पनि हो । हामीले यसलाई अनुग्रह भन्दा कर्तव्य ठानेका छौं । त्यस्तै, कलाकार र दर्शकबीचको दुरी कम गर्दै फिल्मप्रति अपनत्व भाव विकास गर्न पनि हामी खुलेर लाग्नेछौं ।
© Copyright 2017 by RamailoChha