कंगना र पत्रकारको विवाद चर्किदै, फिल्मलाई मिडिया कभरेज नहुने

एजेन्सी– बलिउड अभिनेत्री कंगना रनावतको एक कार्यक्रममा पत्रकारसँग निकै चर्का चर्की परेको थियो । अब, यो घटनाले ठूलो रुप लिएको छ । गिल्ड अफ इन्डियाले कंगनाको फिल्म ‘जजमेन्टल हे क्या’लाई मिडिया कभरेज नदिने निर्णय गरेको छ ।

एन्टरटेनमेन्ट जर्नालिस्ट गिल्ड अफ इन्डिया नामक संस्थाले फिल्मको निर्मात्री एकता कपूरलाई एक पत्र लेखेको छ । जसमा फिल्मलाई मिडिया कभरेज नदिने कुरा उल्लेख गरिएको छ । यसको साथै गिल्डले उक्त पत्रकारसँग सार्वजनिक रुपमा माफि माग्नको लागि आग्रह गरेको छ । उक्त पत्रमा लेखिएको छ, ‘तपाईहरुको टीमले एक अध्यारो कोठामा आयोजना गरेको कार्यक्रमलाई आएर कभर गर्न आग्रह गर्नु भएको थियो । यस कार्यक्रमा कंगना रनावत र राजकुमार राव उपस्थित थिए । जहाँ एक पत्रकार माथि कंगनाले आक्रोश पोख्नि । उनको प्रश्न पुरा समेत भएको थिएन । तपाई यस कार्यक्रममा सहभागी हुनु हुन्थ्यो भने यस घटनाको बारेमा जानकारी छ होला । हामी यस घटनाको बारेमा एक लिखित स्टेटमेन्ट र कंगनाबाट सार्वजनिक रुपमा माफि चाहन्छौं ।’

कंगना रनावतले ‘जजमेन्टल हे क्या’को गीत सार्वजनिक कार्यक्रममा ‘मर्णिकर्णिका’ फिल्मको नकारात्मक समिक्षा गरेको भन्दै आफ्नो विरोध गरेको भनेकी थिइन् । पत्रकारले सहि कुरा लेख्दा कसैको विरोध नहुने बताएका थिए ।

प्रतिक्रिया
हाम्रो टिम :-
प्रबन्ध निर्देशक/प्रधान सम्पादक : उत्सब रसाईली
अफिसियल फोटोग्राफर : उद्धव रसाईली
बजार प्रबन्धक : कुशल घतानी
ग्राफिक्स डिजाइनर : विजय बस्याल 'टौवा क्रियशन'
हाम्रो बारेमा
एउटा तीतो यथार्थ के छ भने नेपाली समाजमा फिल्मलाई अझ गम्भीर रुपमा लिइदैन । हल्का र टाइमपास जस्तो मात्र ठानिन्छ । प्रगतीतर्फ उन्मुख भए पनि कलाकर्मीलाई हेर्ने दृष्टिकोण अझ साँघुरो छ । र, यो सम्मानभावलाई अझ चुचुरोमा पुराउँदै फिल्म उद्योगप्रति सबैले सम्मान गर्ने माहौल सिर्जना गर्नु दायित्व पत्रकारिताको पनि हो । हामीले यसलाई अनुग्रह भन्दा कर्तव्य ठानेका छौं । त्यस्तै, कलाकार र दर्शकबीचको दुरी कम गर्दै फिल्मप्रति अपनत्व भाव विकास गर्न पनि हामी खुलेर लाग्नेछौं ।
© Copyright 2017 by RamailoChha