मी टूमा फसेका अनु मलिक इन्डियन आइडलमा फर्किए

एजेन्सी– गत वर्ष बलिउडमा मी टू अभियानले तहल्का मचाएको थियो । मी टू अभियानले ठूला ठूला सेलिब्रेटीको करियरमा धक्का पुराएको थियो । अहिले मी टू अभियान सेलाउदै गएको छ । बिस्तारै मी टूमा फसेका हस्तीहरु बलिउडमा फर्किदैछन् ।

गायिका सोना मोहपात्रा र श्वेता पण्डितले सन् २०१८ मा मी टू अभियान मार्फत अनु मलिकलाई यौन शोषणको आरोप लगाएका थिए । यौन शोषणको आरोप लगाएपछि अनु मलिकलाई इन्डियन आइडल रियालिटी शोबाट निकालिएको थियो । तर यो घटना एक वर्ष बित्न नपाउदै अनु मलिक शोमा फर्किएका छन् ।

अनु मलिक शोमा फर्किएसँगै सोना मोहपात्राले टुविट गर्दै लेखेकी छिन्, ‘सोनी टीवी द्वारा अनु मलिकलाई पूनः बोलाउनु भारतमा आफ्नो बच्चाको लागि राम्रो र सुरक्षित भविष्य चाहने व्यक्तिहरुको लागि मुखमा थप्पड हो ।’ अनु मलिकलाई श्वेता पण्डितले १५ वर्षको हुँदा किस मागेको आरोप लगाएकी थिइन् । तर अहिले श्वेताले केहि बोलेकी छैनन् ।

अनु मलिक अहिले इन्डियन आइडलको शुटिङमा व्यस्त छन् । शोमा उनको साथै नेहा कक्कड र विशाल डडलानी पनि जजको भुमिका निर्वाह गर्दैछन् । उनलाई इन्डियन आइडलमा लिने निर्णय शोको मेकर्स र च्यानल हो । किनकी, अनु मलिकको शेर र शायरीले इन्डियन आइडलको पहिचान बनाएको छ । उनले सन् २००४ देखि शोमा जज गरिरहेका छन् ।

प्रतिक्रिया
हाम्रो टिम :-
प्रबन्ध निर्देशक/प्रधान सम्पादक : उत्सब रसाईली
अफिसियल फोटोग्राफर : उद्धव रसाईली
विशेष सल्लाहकार : दिनेश सिटौला
बजार प्रबन्धक : कुशल घतानी
ग्राफिक्स डिजाइनर : विजय बस्याल 'टौवा क्रियशन'
हाम्रो बारेमा
एउटा तीतो यथार्थ के छ भने नेपाली समाजमा फिल्मलाई अझ गम्भीर रुपमा लिइदैन । हल्का र टाइमपास जस्तो मात्र ठानिन्छ । प्रगतीतर्फ उन्मुख भए पनि कलाकर्मीलाई हेर्ने दृष्टिकोण अझ साँघुरो छ । र, यो सम्मानभावलाई अझ चुचुरोमा पुराउँदै फिल्म उद्योगप्रति सबैले सम्मान गर्ने माहौल सिर्जना गर्नु दायित्व पत्रकारिताको पनि हो । हामीले यसलाई अनुग्रह भन्दा कर्तव्य ठानेका छौं । त्यस्तै, कलाकार र दर्शकबीचको दुरी कम गर्दै फिल्मप्रति अपनत्व भाव विकास गर्न पनि हामी खुलेर लाग्नेछौं ।
© Copyright 2017 by RamailoChha