आसाममा गुञ्जिए गायक प्रमोद खरेल

बाह्र दिने डाइजिङ फेस्टिवलको अन्तिम दिन जनवरी ७ मंगलबार आसाम बगाँइगाव चिरांगमा गायक प्रमोद खरेलले आफ्नो विशेष साँगीतिक प्रस्तुति दिए । एसियाका विभिन्न कलाकार, सहित बलिवडका मिका सिंह, विशाल शेखर, निति मोहनले प्रस्तुति दिएको उक्त कन्सर्टमा नेपालबाट गायक प्रमोद खरेललाइ निम्तो थियो ।

आफ्नो ब्यान्ड सहित गायिका मिना निरौलालाई लिएर स्टेज उत्रिएका प्रमोदले करिब २ घण्टा आफ्नो प्रस्तुति दिए । प्रमोद र मिनाले प्रस्तुती दिइरहंदा दर्शकदिर्घाबाट हुटिङ र वान्समोर आएको थियो ।

बेला बेला आसामीज भाषामै सम्वोधन गर्दै २ वटा आसामीज गीत समेत गाउँदा माहौल झन रोमान्चक बन्न पुगेको थियो । पुराना नेपाली हिट गीतहरुसँग बोडो गीत बागुरुम्बा फ्युजन गरेर गाउँदा दर्शक उत्साहित बनेका थिए । आसामीज मैं मेरो मामा घर आसाम भनेर सुनाउँदा दर्शकले भान्जा भान्जा भन्दै हुटिंग गरेका थिए । दर्शकलाई भ्रमण बर्ष २०२० मा नेपाल आउन अनुरोध गर्दै आयोजक सदस्यलाई स्टेजमा नेपाली ढाका टोपी लगाइदिएर प्रमोद नेपाल भ्रमणको निम्ता समेत दिए ।

प्रमोदले म बिना, झुम्कावाली, हंगामा भो लगायतका हिट नम्बर सुनाउँदा यो कुरा गोप्य दोहोर्याएर गाए । कार्यक्रममा मिनाले प्रमोद सँग पुराना युगल गीतमा साथ दिदै काले दाइ सुनाइन् ।

बोडोलैंड पर्यटन बोर्ड तथा डाइजिंग फेस्टिभल बोर्डको आयोजनामा भएको उक्त कार्यक्रमको नेपाल संयोजन कृष्ण शर्माले गरेका थिए । ‘दि भ्वइस अफ नेपाल’को दुई संस्करणका कोच प्रमोद देश तथा विदेशमा हुने स्टेज कार्यक्रम र मेला तथा महोत्सवमा निकै व्यस्त छन् ।

प्रतिक्रिया
हाम्रो टिम :-
प्रबन्ध निर्देशक/प्रधान सम्पादक : उत्सब रसाईली
अफिसियल फोटोग्राफर : उद्धव रसाईली
बजार प्रबन्धक : कुशल घतानी
ग्राफिक्स डिजाइनर : विजय बस्याल 'टौवा क्रियशन'
हाम्रो बारेमा
एउटा तीतो यथार्थ के छ भने नेपाली समाजमा फिल्मलाई अझ गम्भीर रुपमा लिइदैन । हल्का र टाइमपास जस्तो मात्र ठानिन्छ । प्रगतीतर्फ उन्मुख भए पनि कलाकर्मीलाई हेर्ने दृष्टिकोण अझ साँघुरो छ । र, यो सम्मानभावलाई अझ चुचुरोमा पुराउँदै फिल्म उद्योगप्रति सबैले सम्मान गर्ने माहौल सिर्जना गर्नु दायित्व पत्रकारिताको पनि हो । हामीले यसलाई अनुग्रह भन्दा कर्तव्य ठानेका छौं । त्यस्तै, कलाकार र दर्शकबीचको दुरी कम गर्दै फिल्मप्रति अपनत्व भाव विकास गर्न पनि हामी खुलेर लाग्नेछौं ।
© Copyright 2017 by RamailoChha