पूजा र आकाशको ‘रामकहानी’ कास्कीकोटबाट सुरु

निर्देशक सुदर्शन थापाले फिल्म ‘रामकहानी’को छायाँकन सुरु गरेका छन् । पोखराको माथिल्लो रमणिय डाँडा कास्कीकोटबाट शिवरात्रीदेखि ‘रामकहानी’ को क्यामेरा अन गरिएको हो । छायाँकनको पहिलो दिन नायिका पूजा शर्मा, नायक आकाश श्रेष्ठ र कलाकार राजाराम पौडेलले टेक दिए ।


कास्कीकोट उक्लिनु पुर्व सुदर्शन, पूजा, आकाश, राजाराम, केदार घिमिरे ‘माग्ने बुढा’ले विन्दावासिनी मन्दिरमा बिहान पुजाआजा गरेका थिए । कास्कीकोटमा करिब दुई साता छायाँकन गरिने निर्माता समेत रहेका थापाले बताए । ‘बाँकी सुट चाहिं हामी काठमाण्डूमै गर्छौं’, थापाले भने । भदौ २२ गते तीजको अवसर पारेर प्रदर्शनमा ल्याउन लागिएको फिल्मको ४५ दिनमा छायाँकन सक्ने टिमको लक्ष्य छ ।

सुदर्शन र पुजाको संयुक्त लगानीमा बनिरहेको ‘रामकहानी’मा पुजा र आकाशको जोडी पहिलो प्रस्तुत हुँदैछ । ‘हाम्रो जोडीलाई दर्शकले रुचाउनु हुन्छ भन्ने विश्वास छ’, दुवैले भने । फिल्ममा माग्ने बुढा, जितु नेपाल, विल्सन विक्रम राई, रविन्द्र झाको पनि मुख्य भूमिका रहेको छ । फिल्मका लागि माग्नेले लिएको दश लाख रुपैयाँ पारिश्रमिकको खुबै चर्चा भएको थियो ।

अर्जुन पोखरेलको संगीत रहने ‘रामकहानी’मा सौरभ लामाको छायाँकन छ । प्रोडक्सन सुरज आचार्यले सम्हालेका छन् । लभ स्टोरी जनरामा जमेका निर्देशक थापा हाँस्य व्यांग्य क्षेत्रका स्थापित कलाकारहरुलाई पनि लिएर कमेडी जनराको फिल्म निर्माणमा पहिलो पटक उत्रिएका हुन् । सुदर्शन र पुजाले यसअघि ‘म यस्तो गीत गाउँछु’ बनाएका थिए, जुन सफल भयो।

प्रतिक्रिया
हाम्रो टिम :-
प्रबन्ध निर्देशक/प्रधान सम्पादक : उत्सब रसाईली
अफिसियल फोटोग्राफर : उद्धव रसाईली
विशेष सल्लाहकार : दिनेश सिटौला
बजार प्रबन्धक : कुशल घतानी
ग्राफिक्स डिजाइनर : विजय बस्याल 'टौवा क्रियशन'
हाम्रो बारेमा
एउटा तीतो यथार्थ के छ भने नेपाली समाजमा फिल्मलाई अझ गम्भीर रुपमा लिइदैन । हल्का र टाइमपास जस्तो मात्र ठानिन्छ । प्रगतीतर्फ उन्मुख भए पनि कलाकर्मीलाई हेर्ने दृष्टिकोण अझ साँघुरो छ । र, यो सम्मानभावलाई अझ चुचुरोमा पुराउँदै फिल्म उद्योगप्रति सबैले सम्मान गर्ने माहौल सिर्जना गर्नु दायित्व पत्रकारिताको पनि हो । हामीले यसलाई अनुग्रह भन्दा कर्तव्य ठानेका छौं । त्यस्तै, कलाकार र दर्शकबीचको दुरी कम गर्दै फिल्मप्रति अपनत्व भाव विकास गर्न पनि हामी खुलेर लाग्नेछौं ।
© Copyright 2017 by RamailoChha