कंगनालाई चौथो पटक राष्ट्रिय अवार्ड, ‘थलाइवी’ प्रोमोमा शानदार लुक्स
बलिउडकी क्विन कंगना रनोट ३४ वर्षमा प्रवेश गरेकी छिन् । कंगनाले जन्मदिन पुर्व चौथो पटक राष्ट्रिय पुरस्कार पाइन् । फिल्म ‘मणिकर्णिका द् क्विन अफ् झाँसी’ र ‘पंगा’बाट उनी नेश्नल अवार्डको हकदार बनेकी हुन् ।
कंगनाको जन्मदिनको अवसर पारेर दुई फिल्मको प्रोमो र पोस्टर पनि रिलिज गरिएको छ । कंगना रनोटको शिर्ष भूमिका रहेको फिल्मको थलाइवीको ट्रेलरर शानदार रिलिज बनेको छ । तमिलनाण्डुकी दिवंगत मुख्यमन्त्री जयललिताको जीवनीमा थलाइवी निर्माण भएको हो । फिल्म थलाइवी मा कंगनासँगै साउथ सुपरस्टार अरविन्द स्वामीको पनि मुख्य भुमिका छ ।
एल विजयले निर्देशन गरेको फिल्म विष्णु वधन इन्दुरी र शैलेश आर सिंहको लगानी रहेको छ । २३ अप्रिलदेखि फिल्म हिन्दी, तमिल र तेलुगु भाषामा प्रदर्शन हुँदैछ ।
‘तेजस’ लुक रिलिज
थलाइवीको ट्रेलर भएकै दिन कंगना रनावट अभिनित अर्को फिल्मे ‘तेजस’ को फस्ट लुक रिलिज भएको छ । सार्वजनिक पोस्टरमा कंगना एयरफोर्सको वर्दीमा देखिएकी छन् । सर्वेश मेवान्डाको लेखन तथा निर्देशन रहेको सिनेमामा रोनी स्क्रूवालाको निर्माण छ ।
