प्रिमियरमा सबैलाई मन पर्यो ‘मन्त्र’ (फोटो फिचर)
यही शुक्रबारदेखि प्रदर्शनमा आउने फिल्म मन्त्र को बुधबार भव्य प्रिमियर शोको आयोजना गरिएको छ । प्रिमियर शोमा पूर्व प्रधानमन्त्री डा.बाबुराम भट्टराईदेखि निर्देशक निश्चल बस्नेत, लेखक, निर्माता तथा कलाकार दीपकराज गिरी, निर्देशक दीपाश्री निरौला लगायत उपस्थित थिए । प्रिमियर शोमा सहभागी अधिकांश जसो पाहुनाले ‘मन्त्र’ फिल्म राम्रो बनेको प्रतिक्रिया दिए ।
फिल्म ‘मन्त्र’ हेरिसकेपछि अभिनेता दीपकाराजले फिल्मको छायाँकन स्थलले सबैभन्दा बढी लोभ्याउने बताए । ‘फिल्म जुन ठाउँमा छायाँकन गरिएको छ, त्यो छायाँकनस्थलले सबैभन्दा बढी लोभ्याउँछ । फिल्ममा हामी हिमाललाई क्लोजसँग हेर्न पाउँछौं’ दीपकराजले भने, ‘अर्को ब्याकग्राउण्डस्कोर सबैभन्दा बढी बुलन्द छ फिल्म ।’ उनले ‘मन्त्र’फरक खालको लभस्टोरी सिनेमा लागेको बताउँदै फिल्ममा बोनसका रुपमा कमेडीसँगै हिमालका दृश्यहरु, ब्याकग्राउण्डस्टोर रहेको प्रतिक्रिया दिए ।
यता निर्देशक दीपाश्री निरौलाले ‘मन्त्र’ फिल्म हेरुन्जेल फिल्मको कथावस्तु, लोकेशनले आफूलाई बाँधेर राखेको प्रतिक्रिया दिइन् । फिल्मको कथावाचन, लोकेशन, डिओपी, कलाकारहरुको काम सबै पक्ष राम्रो रहेको बताईन् । उनले सिनेमाको क्लाइमेक्स सिन नछुटाउन समेत दर्शकलाई आग्रह गरिन् ।
‘हेरौं कतिबेरसम्म बस्न सकिन्छ भनेर हेरिरहेको थिएँ । तर, पुरै सिनेमा आरामसँग हेर्न सकियो’ निर्देशक निश्चल बस्नेतले भने, ‘पछिल्लो समय नेपाल भित्रको विभिन्न भेगको विभिन्न कथाहरु फिल्ममा आईरहेको छ । यसरी नै फिल्महरु बन्दै जानुपर्छ जस्तो लाग्छ ।’ निश्चलले पनि ब्याकग्राउण्ड स्टोर फिल्मको सशक्त पक्ष रहेको प्रतिक्रिया दिए ।
निर्देशक तथा कलाकार नरेश पौड्याल, गायक युवराज चौलागाईँ लगायतले फिल्म मन परेको प्रतिक्रिया दिए । प्रिमियरमा अभिनेता बुद्धि तामाङ छायाँकनमा भएका कारण उपस्थित हुन् सकेनन् भने अभिनेत्री दीया पुन सगरमाथा आरोहणका क्रममा रहेकाले उपस्थित भईनन् । अभिनेता सौगात मल्ल भने प्रिमियरमा उपस्थित थिए ।
खिलबहादुर गुरुङको निर्देशनमा तयार भएको फिल्म ‘मन्त्र’मा नमिता तामाङ, पासाङ टी शेर्पा र वीरबहादुर लामा लगायतको पनि अभिनय रहेको छ ।
तस्बिर : उद्धब रसाईली (रमाईलो छ)
