आयो अमिताभ, रणवीर र आलियाको‘ब्रह्मास्त्र’टिजर
बलिउडको बहुप्रतिक्षित फिल्म ‘ब्रह्मास्त्र भाग एकः शिव’को टिजर सार्वजनिक भएको छ । सार्वजनिक टिजरमा रणवीर कपूर, अलिया भट्ट, अमिताभ बच्चन, नागार्जुन अक्किनेनी, मोनी रोय प्रस्तुत छन् । टिजर :
आयान मुखर्जी फिल्ममा रणवीर सँग एक सुपर पावर हुनेछ । अमिताभ बच्चन ब्रह्मा र नागार्जुन भगवान विष्णुको भूमिकामा देखिनेछन् । ब्रह्मास्त्र भारतमा अहिलेसम्मकै सबभन्दा धेरै लगानीमा बन्ने फिल्म बनेको छ । यस्को लगानी करिब पाँच सय करोड रूपैयाँ आँकलन छ । उसो त ब्रह्मास्त्र’ले प्रदर्शन हुनु पुर्व नै कीर्तिमान राखेको छ ।
यो फिल्म वाल्ट डिज्नी स्टुडिओ पिक्चर्सको ग्लोबल रिलिज क्यालेन्डरमा परेको छ । यस सूचीमा पहिलो पटक भारतीय फिल्म परेको हो । ग्लोबल रिलिज क्यालेन्डरमा परेसँगै फिल्म आउँदो सेप्टेम्बर ९ तारिखमा विश्वभर एकसाथ प्रदर्शन हुनेछ।
फक्स स्टार स्टुडिओ र धर्मा प्रोडक्सनले निर्माण गरेको फिल्म हिन्दी, तमिल, तेलुगु, कन्नड र मलयालम गरी पाँच भाषामा प्रदर्शन हुनेछ । फक्स स्टार स्टुडिओमा वाल्ट डिज्नी स्टुडिओ मोशन पिक्चर्सको सहकार्य रहेको छ । विवाह गरेका रणवीर र आलियाले अभिनय गरेको ‘ब्रह्मास्त्र पहिलो फिल्म हो ।
