‘प्रसाद २’ मा निश्चल बस्नेत आउट, अर्पण थापा इन
फिल्म ‘प्रसाद २’ बाट निश्चल बस्नेत बाहिरिएका छन् । फिल्मबाट निश्चल आउट भएपछि अभिनेता अर्पण थापा इन हुने पक्कापक्की जस्तो भएको छ ।
‘रचनात्मक मतभेद’ भन्दै निश्चल प्रसाद २ बाट बाहिरिएका हुन् । यता अर्पण थापा भने आफुलाई ‘प्रसाद २’ बाट अप्रोच स्विकार गर्छन् । फिल्म गर्ने मनस्थितिमा रहेका अर्पण भन्छन्, ‘फिल्मको अफर आएको छ, सायद फिल्म गर्छु होला । बाँकी केही दिनमै थाहा हुन्छ ।’ ‘प्रसाद २’ लाई निर्देशक सुदर्शन थापाले निर्देशन गर्दैछन् । लेखन सुशिल पौडेलको हो ।
सुभाष थापाले निर्माण गर्ने ‘प्रसाद २’ मा बिपिन कार्की र नम्रता श्रेष्ठ यथावत् छन् । दिनेश राउत निर्देशित प्रसाद व्यापारिक र समिक्षात्मक रुपमा सफल भएको थियो ।