नयनराज पाण्डेको ‘लू’लाई प्रदीप भट्टराईले निर्देशन गर्ने
नयनराज पाण्डेद्वारा लिखित चर्चित उपन्यास ‘लू’माथि निर्माण हुने फिल्मलाई प्रदीप भट्टराईले निर्देशन गर्ने भएका छन् । निर्माण कम्पनी कारो फिल्म्सको तर्फबाट निर्मात्री निशा खरेल र निर्देशक भट्टराईबीच लिखित सहमति भएको छ ।
‘जात्रा’ फेम्ड निर्देशक भट्टराई भट्टराई यतिबेला मह जोडीलाई लिएर महापुरुष निर्देशन गर्दैछन् । ‘यो उपन्यास जति रोमान्चक छ उति नै मजा आउने किसिमको छ । यसमा नेपाल र भारतको सीमा विषय पनि उठेको छ । दर्शकलाई मनपर्ने कथा, विषय र ह्युमर यसमा समेटिएको छ,’ फिल्म बारे जारी गरिएको प्रेस विज्ञप्तीमा भनिएको छ ।
‘लू’ लाई कारो फिल्म्सले निर्माण गर्न लागेको हो । निर्देशक तय भए पनि फिल्मका लागि अन्य कलाकार र प्राविधिक पक्का भैसकेका छैनन् ।
