‘बाबरी’को पोस्टरमा अदीतिसँग दुई धिरजको मित्रता
सुरेन्द्र पौडेल निर्देशित फिल्म ’बाबरी’को नयाँ पोस्टरहरु सार्वजनिक भएका छन् । नयाँ पोस्टरमा नव नायक धिरज नाडकर फिचर्ड छन् । उनि अभिनेत्री तृप्ति नाडकरका छोरा हुन् । फिल्ममा धिरज मगर र अदिति बुढाथोकीसँगै धिरज नाडकरको मुख्य भूमिका छ ।
पोस्टरहरुमा धिरज, अदिति र धिरजको मित्रता झल्किएको छ । तेस्रो पोस्टरमा धिरज नाडकर र अदिति रोमान्टिक बन्दा धिरज मगरलाई आक्रामक अन्दाजमा प्रस्तुत गरिएको छ । त्रिकोणात्मक प्रेमकथामा आधारित फिल्ममा बादल भट्ट, कमणमणी नेपाल, उर्मिला बस्नेत, ध्रुव कोइराला, सुनिता श्रेष्ठ, नितेश गुरुङ, त्रिशला तामाङ, दीलिप गुरुङलगायतका कलाकारहरुको पनि अभिनय छ ।
निर्देशक पौडेलको कथा र सम्पादन रहेको फिल्ममा कालीप्रसाद बाँस्कोटा/सुजन चापागाईं/अनमोल गुरुङको संगीत छ । नरेन्द्र मैनालीको छायांकन र एञ्जिला खत्री/विक्रम लामाको कोरियोग्राफी छ ।
बाबरी फिल्म्सको व्यानरमा निर्मित सिनेमामा गणेश बुढाथोकी र पुष्पालता बुढाथोकी निर्माता रहेका छन् भने सुष्मा गुरुङले सह-निर्माताको भूमिका निभाएकी छन् ।
भदौ ३१ देखि सार्वजनिक प्रदर्शनमा आउने फिल्मको ट्रेलर यही सोमबार सार्वजनिक गरिंदैछ । बाबरीको बाबरी रंग र चुलबुल गीत हिट छन् ।
