‘चङ्गाचेट २’ मा बिपिन कार्की अनुबन्धित
फिल्म ‘चङ्गाचेट २’ मा अभिनेता विपिन कार्की अनुबन्धित भएका छन् । निर्मात्री सर्मिला पाण्डेले बिहिबार अभिनेता कार्की आफ्नो फिल्ममा पक्का भएको सामाजिक सञ्जाल मार्फत जानकारी दिएकी हुन् ।
फिल्म ‘चङ्गाचेट २’ लाई दिपेन्द्र के.खनालले नै निर्देशन गर्दैछन् । फिल्ममा अभिनेता अर्पण थापा पक्का भैसकेका छन् । फिल्ममा अन्य कलाकारहरुपनि रहनेछन् । तर निर्माण पक्षले क्रमबद्ध रुपमा कलाकार अनुबन्धित गरेर सामाजिक सञ्जालमा सार्वजनिक गरिरहेको छ । हालसम्म ‘चङ्गाचेट’का कलाकारहरु प्रियंका कार्की, आयुष्मान जोशी, सुरक्षा पन्त, परमिता आरएल राणा, सन्दिप क्षेत्री कलाकारहरु दोहोरिएका छैनन् । सम्भवतः उनीहरु सिक्वेलमा दोहोरिने छैनन् !
डीएस डिजिटलको ब्यानरमा निर्मित ‘चिसो मान्छे’ पछिल्लो पटक प्रदर्शनमा आएको थियो भने परस्त्री प्रदर्शनको क्रममा छ । ‘चङ्गाचेट २’ को लोकेशन हन्टका लागि निर्माण पक्ष निस्किएको छ ।
