रेखा थापाले किन भेटिन् केपी ओली ?
नेकपा एमालेका अध्यक्ष केपी शर्मा ओली र अभिनेत्री एवं राप्रपा केन्द्रीय सदस्य रेखा थापाबीच भेटवार्ता भएको छ । राप्रपा महामन्त्री कुन्ती शाही समेत उपस्थित भएको उक्त भेट ओली निवास बालकोटमा बुधबार भएको हो ।
पुर्व प्रधानमन्त्री ओलीसँग समसामयिक राजनीति र चुनावबारे छलफल भएको रेखाले बताएकी छिन् । ‘समग्रमा देश र अहिलेको राजनीतिक अवस्थाबारे पार्टीगत कुराकानी भयो,’ रेखाले भनेकी छिन्, ‘राजनीतिमा छोरीहरुको अवस्थाबारे पनि छलफल भयो । उहाँ अभिभावकजस्तै हो नि त ।’ उसो त रेखा हालसालैको एक अन्र्तवार्तामा ओलीको प्रशंसा गरेकी थिइन् ।
मंसिर ४ गते हुने प्रतिनिधिसभा र प्रदेशसभा निर्वाचनमा एमालेले राप्रपासँग तालमेल गर्न सक्ने सम्भावना बारेपनि कुराकानी भएको रेखाले बताइन् ।
