‘परदेशी २’को प्रदर्शन मिती सर्यो
फिल्म ‘परदेशी २’ को प्रदर्शन मिति सरेको छ । तोकिएको प्रदर्शन मिती असोज १४ गतेबाट सरेर परदेशी २ फागुन ५ मा पुगेको छ ।
निर्माता राजेश वंशलले फागुन ५ गतेका लागि नयाँ प्रदर्शन मिति तोकिएको बताए । उनले वितरक, हल संचालक एवं फिल्मकर्मीहरुसँगको सरसल्लाहमा फिल्मलाई फागुनमा ल्याउने निणर्य गरिएको जानकारी गराए । ‘फिल्मको केही प्राविधिक कामहरु बाँकी नै रहेको र त्यसका लागि निर्धारित मितिसम्म तयारी नपुग्ने महशुस भएकाले उक्त मितिबाट केही पछाडि सारिएको हो’, निर्देशक नारायण रायमाझीको भनाई छ ।
निणर्य अनपेक्षित भएपनि समग्र फिल्म क्षेत्रको हितलाई मध्यनजर गर्दै यस्तो निणर्य लिइएको निर्माण टिमको भनाई छ । परदेशीको कथा भन्ने फिल्म ‘परदेशी २’ मा प्रकाश सपुत, केकी अधिकारी, बर्षा सिवाकोटीको मुख्य भूमिका छ । फिल्ममा दीलिप रायमाझी र प्रशान्त तामाङ अतिथि भूमिकामा छन् ।