’सम्हालिन्छ कहिले मन’गीत: पूजा र आकाश एकअर्कामा हराए
फिल्म ’सम्हालिन्छ कहिले मन’को नयाँ गीत सार्वजनिक भएको छ । ’जरुरी कुरा छ’ गीत र ट्रेलर पश्चात् निर्माण टिमले ’हराएँ हराएँ’ बोलको रोमान्टिक गीत सार्वजनिक गरेको हो । गीत :
यूके र मुस्ताङमा छायांकन गरिएको गीतमा पूजा शर्मा र आकाश श्रेष्ठ फिचर्ड छन् । ताराप्रकाश लिम्बु र अनु चौधरीले स्वर दिएको गीतमा रमणीय दृश्य र पूजा आकाशको जोडी जमेको छ । स्कटल्याण्डका केहि चुचुरोहरुलाई छायांकार सौरभ लामाले ’लार्ज फ्रेम’मा सुन्दर ढंगले कैद गरेका छन् । आनन्द अधिकारीको शब्द रचना रहेको गीतमा ताराप्रकाश लिम्बुको संगीत छ । भिडियो कोरियोग्राफी कविराज गहतराजले गरेका छन् ।
सुदर्शन थापाको निर्देशन रहेको फिल्ममा महेश दवाडीको लेखन छ । फिल्ममा पूजा, आकाश र नव नायक सोनम तोप्दनसँगै सरोज खनाल, धिरेन शाक्य, गौरी मल्ल लगायतका कलाकारहरुको अभिनय छ । एबी इन्टरनेशनलसंग भिक्टर सिनेमा लिमिटेडले निर्माण सहकार्य गरेको फिल्म भदौ १७ गतेदेखि प्रदर्शनमा आउँदैछ ।
