अदीति ‘बाबरी’को लागि दुई धिरजको लडाईं (ट्रेलर)
प्रदर्शन मिती सरेर असोज १४ गते पुगेको फिल्म ‘बाबरी’को ट्रेलर लञ्च गरिएको छ । सोमबार प्रेसमिट गर्दै सुरेन्द्र पौडेल निर्देशित लभ स्टोरी फिल्मको प्रोमो सार्वजनिक गरिएको हो । प्रोमो :
‘बाबरी’को प्रोमो हेर्दा फिल्म नायिका अदीति बुढाथोकीको वरिपरि घुमेको छ । प्रोमोमा अदीतिको पछि नायक धिरज मगर र उनीहरुको बिचमा नव नायक धिरज नाडकर आएका छन् । अभिनेत्री तृप्ती नाडकरका छोरा धिरजको यो पहिलो नेपाली फिल्म हो । ‘बाबरी’को प्रोमो लञ्च मार्फत उनी पहिलो पटक मिडियामा आएका हुन् । ‘कृ’ र ‘ईन्टुमिन्टु लण्डन’मा पश्चात् क्रमशः अदीति र धिरज ‘बाबरी’ मार्फत दर्शक माझ आउँदैछन् ।
गणेश बुढाथोकी र पुष्पालता बुढाथोकीको संयुक्त लगानीमा निर्माण भएको फिल्म ‘बाबरी’ मा सह निर्माताको रुपमा सुष्मा गुरुङ छिन् । निर्देशक पौडेलको लेखन रहेको ‘बाबरी’ लाई नरेन्द्र मैनालीले खिचेका हुन् ।
