प्रदीप खड्का लेख्छन्, ‘सुरुमा नेपाली प्रेम गीत ३ हेर्नुस्’
फिल्म ‘प्रेम गीत ३’ यो शुक्रबारबाट विश्वभरको झण्डै १२ सय पर्दाबाट प्रदर्शनमा आउँदैछ । सन्तोष सेनको निर्माण तथा निर्देशन रहेको फिल्म नेपालमा नेपाली र हिन्दी दुवै भर्सनमा प्रदर्शन हुँदैछ । प्रदर्शनकौ एक दिन पहिले फिल्मका नायक प्रदीप खड्काले नेपाली दर्शकलाई सुरुमा नेपाली र त्यसपछि हिन्दी भर्सन हेर्न आग्रह गरेका छन् । किन त ? प्रदीपले बिहिबार बिहान आफ्नो फेसबुक स्टाटसमा लेखेको यो स्टाटस पढ्नुस् :
‘प्रेम गीत ३’ नेपालीमा हेर्ने होला कि हिन्दीमा, नेपाली २ घण्टा १० मिनेट छ, हिन्दी २ घण्टा, केही त फरक रहेछ ।
पहिला नेपालीमा हेर्नुस : ‘आनन्द आउछ‘ किन ? हाँस्न, रून अनि पात्रसंग नजिक हुन । किनकी नेपालीमा कथाको प्रस्तुति विस्तृत रूपमा छ र त्यसकारण सानासाना घटना छुट्ने डर विना चलचित्रलाई मनदेखि महसुश गर्दै कथा कसरी अगाडी बढ्ला भन्ने आफ्नो धारणा बनाउँदै चलचित्र हेर्न सकिन्छ ।
पछि हिन्दीमा हेर्नुस ‘रोमान्चक अनुभुति हुन्छ‘ कसरी ?
सटिक कथा प्रस्तुतिकरणको र चलचित्रको गतिले तपाईका प्रतेक ईन्द्रियहरूलाई सकृय हुन बाध्य बनाउँछ । कथा पटकथाले दिमागलाई डेक चल्न नदिई मनको चन्चलता निस्कृय बनाउँछ । पत्तो नपाउँदै चलचित्र सकिएको अनुभव हुन्छ । साथै लगानि अनि पुर्वाधारहरुलाई मध्यनजर गर्दै, सयौं हिन्दी र साउथ फिल्म हेरेका हामीले त्यही भाषामा आफ्नो चलचित्र हेर्दा विश्वमा हाम्रो चलचित्रको वर्तमान स्थरको आँकलन र लगानी अनि बजारीकरण गर्न सके विश्व बजारमा आफ्नो उपस्थितीको सम्भाव्यता अध्यन गर्न ।
यो फरक प्रस्तुतिकरणको कारण ?
– दर्शक नेपाली कलाकारलाई चिन्ने र नेपाली चलचित्रलाई माया गर्ने दर्शक र हिन्दी चलचित्रका दर्शकमा हुन सक्ने आफ्नो आफ्नो स्वादलाई सम्वोधन गर्न ।