‘प्रेम गीत ३’को हिन्दी भर्सन घटस्थापना लाग्ने
फिल्म ‘प्रेम गीत ३’ को हिन्दी भर्सन शुक्रबार नेपालमा रिलिज नहुने भएको छ । निर्माता तथा निर्देशक सन्तोष सेनले प्राविधिक कारणले ‘प्रेम गीत ३’ को हिन्दी भर्सन असोज ७ गते नेपालमा रिलिज हुन नसक्ने जानकारी दिएका हुन् ।
‘प्रेम गीत ३ हिन्दी भर्सन विविध प्राविधिक कारणले १,२ दिन रिलिज नसक्ने स्थिति सृजना गराइयो । वास्तविकता पछि जानकारी गराउने नै छौं, घटस्थापनाको दिन हिन्दी प्रेम गीत ३ नेपालभरी प्रदर्शनमा आउनेछ जानकारी गराउँदछौं । अहिलेको लागि क्षमाप्रार्थी छौं’, सन्तोष सेनले आफ्नो फेसबुक वालमा लेखेका छन् ।
प्रदीप खड्का र क्रिष्टिना गुरुङको शिर्ष भूमिका रहेको फिल्म ‘प्रेम गीत ३’ असोज ७ गते, शुक्रबार बाट प्रदर्शनमा आउँदैछ । जस्को बुकिङ आक्रमक देखिएको छ ।
