‘तिम्रो मेरो साथ’को प्रदर्शन मिती पक्का
फिल्म ‘तिम्रो मेरो साथ’को प्रदर्शन मिती तय गरिएको छ । निर्माता तथा निर्देशक रमेश एमके पौडेलको जन्मदिनको अवसर पारेर फिल्मको रिलिज डेट लक गरिएको हो । फिल्म आगामी पौष २९ गतेबाट दर्शकमाझ आउने छ ।
लभस्टोरी कथामा आधारित फिल्ममा पुष्प खड्का र साम्राज्ञी राज्यलक्ष्मी शाहको मुख्य भूमिका छ । साथमा सरोज खनाल, सन्दिप क्षेत्री, खड्क बहादुर पुन(खबपु), इमिली लामा र बिशेष भूमिकामा ध्रुब दत्तले अभिनय गरेका छन् । फिल्ममा डेव्यु निर्देशक पौडेलको कथा, गीत र निर्माण छ ।
आर्यन फिल्मस तथा बोधी एच डी अमेरिकाको ब्यानरमा निर्माण भएको फिल्मको निर्मातामा पासांग लामा र सह-निर्मातामा निरू भण्डारी, अशोक पोखरेल, सुमन पौडेल र सुधिर पराजुली रहेका छन ।
तिम्रो मेरो साथमा कार्यकारी निर्माता सबिर श्रेष्ठको पटकथा र सम्वाद रहेको छ । शिव ढकालको छायांकन रहेको फिल्ममा योगेश काजीको संगीत सुन्न सकिन्छ । फिल्मको छायाँकन कोरोना कहर अगाडी गरिएको थियो ।