‘के घर के डेरा’को चाखलाग्दो ट्रेलर रिलिज
फिल्म ‘के घर के डेरा’को ट्रेलर रिलिज गरिएको छ । शुक्रबार प्रेसमिट गर्दै दिपेन्द्र के.खनाल निर्देशित फिल्मको ट्रेलर सार्वजनिक गरिएको हो । कात्तिक ४ गतेबाट प्रदर्शनमा आउने के घर के डेराको ट्रेलर हेर्नुस् :
‘के घर के डेरा’मा दयाहाङ राई, बिपिन कार्की, बर्षा राउत र सुरक्षा पन्तको मुख्य भूमिका छ । सार्वजनिक फिल्मको प्रोमो रमाइलो र चाखलाग्दो छ । सिंगे लामाको कथा रहेको फिल्ममा महेश दवाडीको पटकथा एव संवाद रहेको छ । छायाँकन दिर्घ गुरुङले गरेका छन् । फिल्मले डेरामा बसेर घर बनाउन चाहनेहरुको योजनालाई रमाइलो तरिकाले प्रस्तुत गर्दछ ।
युवराज कार्की कार्यकारी निर्माता रहेको फिल्ममा शरद श्रेष्ठ, राजिव श्रेष्ठ र किरण महर्जन निर्माताको रुपमा रहेका छन् ।