पुष २२ मा पुग्यो’चि मुसी चि’: मोसन पोस्टर रिलिज
फिल्म ‘चि मुसी चि : इभन डेड डिजायर बिलङ्गिङ’को मोसन पोस्टर सार्वजनिक गरिएको छ । फिल्म आगामी पौष २२ गतेबाट प्रदर्शनमा आउँदैछ । यस अगाडी यो फिल्म पुष १५ गते प्रदर्शनमा आउने भनिएको थियो ।
नेपाली फिल्म एक आपसमा जुधाउने परम्परालाई तोड्ने हेतुले ‘चि मुसी चि’ पौष २२ गते रिलिज गर्न लागेको निर्माता चक्रावर्ती भनाई छ । फिल्मको सार्वजनिक मोसन पोस्टरमा प्रिंयका कार्की, ऋचा शर्मा, बेनिशा हमाल, आयुष्मान देशराज जोशी, राजन खतिवडा, रविन्द्र झा, गौरव बिष्ट लगायतका कलाकारलाई प्रस्तुत छन् ।
एमी स्टुडियो प्रोडक्सनको ब्यानरमा निर्माण भएको हरर थ्रिलर जनराको फिल्मले नेपालमा हरर तथा थ्रिलरको ट्रेण्ड स्थापित गर्ने निर्माण टिमको विश्वास छ । फिल्मको निर्देशन मणर् जेम्स र यश सैनीले संयुक्त रुपमा गरेका हुन् ।
फिल्म नेपाली र बलिउड प्राविधिकको समिश्रणमा निर्माण भएकाले पनि केही फरक र नयाँपन दर्शकले महसुस गर्न पाउने छन् । फिल्ममा रिञ्जु केसीसँग मिलेर प्रस्तुतकर्ता अरुण चक्रावर्ती लगानी गरेका हुन् ।
