बैशाख १ मा ‘जारी’ लाग्ने भएपछि दया भर्सेस दया
नयाँ पोस्टर सहित फिल्म ‘जारी’ को प्रदर्शन मिती सार्वजनिक गरिएको छ । अभिनेता दयाहाङ राई र अभिनेत्री मिरुना मगर अभिनित फिल्म बैशाख १ गतेदेखि प्रदर्शनमा आउने पोस्टरमा उल्लेल गरिएको छ ।
सार्वजनिक पोस्टरमा दया गम्भीर मुद्रामा देखिएका छन् भने मुहार मलिन छ । उपेन्द्र सुब्बाको लेखन तथा निर्देशनमा बनेको फिल्ममा लिम्बु समुदायमा एउटा पुरुषले आफ्नो श्रीमती फिर्ता ल्याउन गर्नु परेको संघर्ष देखाइने छ । निर्देशक रामबाबु गुरुङको निर्माण रहेको फिल्ममा दयाहाङ र मिरुनासंगै विजय बराल, रोयदीप श्रेष्ठ, रेखा लिम्बु, कमलमणि नेपाल, पुस्कर गुरुङलगायतका कलाकारहरुको अभिनय छ ।
बाँसुरी फिल्मको व्यानरमा निर्मित सिनेमामा सुरेश लिम्बूको कथा, झुमा लिम्बू र गंगा थापाको संगीत, शैलेन्द्र कार्कीको छायांकन र निमेष श्रेष्ठको सम्पादन छ ।
उसो त नयाँ बर्षमा दया र मिरुनाको जारी मात्रै लाग्दैछैन् । २०८० को बैशाख १ गते ‘प्रसाद २’, दयाकै ‘बिए पास’, ‘नाईं नभन्नू ल ६’ ले आफ्नो प्रदर्शन मिती तय गरेका छन् । ‘जारी’ र ‘बिए पास’ एकसाथ प्रदर्शनमा आएमा बैशाख १ गते दया भर्सेस दया हुनेछ ।