रेखा थापा र पूजा शर्माबिच के पाक्दैछ ?
अभिनेत्री रेखा थापा अन्ततः फिल्म निर्माणमा फर्किएकी छिन् । रेखा फिल्मस्बाट बन्ने नयाँ फिल्मको यतिबेला प्रि-प्रोडक्सनको कार्य चल्दैछ । सामाजिक कथा वस्तुमा निर्माण हुने फिल्मको निर्देशक, कलाकार र प्राविधिकलाई गोप्य राखिएको छ ।
तर, सामाजिक सञ्जालमा सार्वजनिक केही तस्बिरले भने रेखाको नयाँ फिल्ममा हुन सम्भावित पात्र सार्वजनिक भएका छन् । गत साता स्क्रिप्ट राइटर शिवम अधिकारी र वितरक करण क्रेजी श्रेष्ठले रेखा र नायिका पूजा शर्मासँगको तस्बिर फेसबुकमा सेयर गरेका थिए । सार्वजनिक तस्बिरमा दुबैले रियाक्ट समेत गरेका छन् । जसले गर्दा रेखा र पूजाबिच केही त पक्कै पाकिरहेको अनुमान लगाउन सकिन्छ ।
गोप्य नै सही, रेखा र पूजा नयाँ प्रोजेक्टको तयारीमा जुटेका छन् । फिल्ममा रेखा र पूजासँगै अर्की एक अभिनेत्रीको पनि मुख्य भूमिका रहनेछ, जस्को टुंगो लागि सकेको छैन् ।
रेखा थापा पछिल्लो समय राजनीतिमा व्यस्त थिइन् । पछिल्लो समय उनी अभिनित फिल्म मालिका प्रदर्शनमा आएको थियो । जस्मा उनको निर्माण, निर्देशन र अभिनय रहेको थियो ।
यता नायिका पूजा शर्माको हकमा यो साल सम्झना बिर्सना र सम्हालिन्छ कहिले मन प्रदर्शनमा आएको थियो । उनले अनमोल केसीलाई पनि आफ्नो नयाँ फिल्ममा सम्झौता गरेकी थिइन् ।
