‘फूलबारी’ को प्रोमोमा फक्रियो बिपिन र अरुणाको प्रेम
फिल्म ‘फूलबारी’को प्रोमो सार्वजनिक भएको छ । रामबाबु गुरुङ निर्देशित सामाजिक कथानक फिल्मको प्रोमो पारिवारिक प्रेम, कलह र विछोडयुक्त छ । प्रोमो :
‘फूलबारी’को प्रोमोमा फिल्मका मुख्य पात्र अभिनेता बिपिन कार्की र अभिनेत्री अरुणा कार्कीलाई केन्द्रमा राखिएको छ । बिपिन र अरुणासँगै प्रोमोमा अभिनेता दयाहाङ राई, अभिनेत्री प्रियंका कार्की, शिल्पा मास्के लगायतलाई देख्न सकिन्छ ।
उपेन्द्र सुब्बाको लेखन रहेको फूलबारीमा कमल किशोर मालपानीको पटकथा एंव संवाद छ । यशोदा फिल्मसको प्रस्तुती रहेको फिल्मलाई मनिष ढकालले निर्माण गरेका हुन् । ‘फूलबारी’ फागुन ५ गतेदेखि लाग्दैछ ।
फिल्म ‘फूलबारी’मा समावेश ‘माया रैछ र’ गीतलाई दर्शकले रुचाइरहेका छन् । गीतमा कालिप्रसाद बाँस्कोटाको शब्द र संगीत छ । स्वर बाँस्कोटा र गायिका सदिक्षा कट्टेलले दिएका छन् ।