मलिका महत लक्ष्मण सुवेदीको ‘सतीदेवी’ बन्दै
निर्देशक लक्ष्मण रिजालले निर्देशन गर्ने फिल्मको नामाकरण ‘सतीदेवी’ गरिएको छ । सतीदेवीको शिर्ष भूमिकामा नायिका मलिका महत प्रस्तुत हुनेछिन् ।
लक्ष्मण सुवेदीको निर्देशन, निर्माण र लेखन रहने सतीदेवीमा मलिका सहित भोलाराज सापकोटा, कुलदीप अधिकारी र मनिषा सापकोटाको अभिनय हुनेछ । शीर्षक ‘सतीदेवी’ भए पनि हिन्दू धर्मकी एक देवी सतीदेवीबारे फिल्म आधारित नभएर शीर्षक मात्र भएको निर्देशक सुवेदीले बताएका छन् । फिल्मका अन्य कलाकार पनि तय हुन बाँकी रहेको र केही दिनमा वर्कसप सुरु हुने जनाइएको छ ।
फिल्मको छायांकन आगामी फागुन तेस्रो सातादेखि हुनेछ । ग्रामीण युवतीको संघर्षको कथा प्रस्तुत गर्ने सतीदेवी लाई काठमाडौं र उपत्यकाबाहिर छायांकन गरिनेछ । गोल्डेन स्टेट मुभी मेकर्स एलएलसी क्यालिफोर्नियाको सहकार्यमा दिलासा क्रिएसनले फिल्म निर्माण गर्न लागेको हो ।