नाजिरको ‘गुलावी’ झलक संचिताले किन सेयर गरिनन् ?
अभिनेता नाजिर हुसैनको शिर्ष भूमिका रहेको फिल्म ‘गुलावी’को पहिलो झलक (पोस्टर) ले निकै प्रशंसा पायो । समुन्द्र भट्ट निर्देशित ट्रान्सवुमनको कथा भन्ने फिल्मको पोस्टरलाई धेरै फिल्मकर्मीले आफ्नो फेसबुक वालमा सेयर गर्दै प्रशंसा समेत गरे ।
तर, अभिनेत्री संचिता लुईंटेलले भने ‘गुलावी’को पोस्टर हालसम्म आफ्नो फेसबुक वालमा सेयर गरेकी छैनन् । संचिता ‘गुलावी’की मुख्य अभिनेत्री हुन् । फिल्ममा उनले नाजिर हुसैनकी आमाको भूमिका निभाएकी छिन् । सुटिङताका चाहिं संचिताले दैनिक जसो सेटबाट फिल्मको फोटो सेयर गर्ने गर्दथिन् ।
फिल्मको पोस्टर सार्वजनिक भएपछि चाहिं संचिताले किन आफ्नो फेसवुक वालमा सेयर गरिनन् त ? धेरैले मन पराएको गुलावीको पोस्टर संचितालाई मन परेन ? या पोस्टरमा उनले आफ्नो उपस्थिति खोजिन् ? त्यो संचिता नै जानुन् । तर, सामाजिक संजालमा सक्रियता जनाउने संचिताले आफ्नै फिल्म ‘गुलावी’को पोस्टर सेयर नगर्नुले धेरैले आश्चर्यता प्रकट गरेका छन् ।
उसो त फेसबुकमा पोस्टर सेयर गरेर मात्रै आफ्नो फिल्मको पब्लिसीटि नहुने केहीको धारणा छ । कतै संचिताले यही धारणालाई अंगालेकी त होइनन् ?
