बिपिन कार्कीको क्लिन सेभमा के रहस्य लुकेको छ ?
अभिनेता बिपिन कार्की फिल्म ‘फूलबारी’को प्रिमियर शोमा क्लिन सेभमा उपस्थित भए । ‘दाह्री त स्वात्तै पारेछन्’, बिहिबार साँझ बिग मुभिजमा बिपिनले सायद यस्तै प्रतिक्रिया पाउँदै थिए ।
प्रतिक्रिया जे जस्तो भएपनि बिपिनको क्लिन सेभमा लुकेको रहस्य भने अर्कै छ । उनको यो पछिल्लो हुलिया कुनै फिल्मको क्यारेक्टर हो, जुन क्यारेक्टरलाई निर्माण पक्षले रिलिज गरिसकेको छैन्, लुकाइ राखेको छ ।
सुनिए अनुसार फिल्म भागवत् गीताको लागि बिपिनले क्लिन सेभ गरेका हुन् । झरना थापाले निर्देशन गर्दै गरेको फिल्ममा बिपिनको महत्वपूणर् भूमिका छ । शिर्ष भूमिकामा नायक धिरज मगर र नायिका सुहाना थापाले अभिनय गर्दैछन् ।
भर्सटायल अभिनेता बिपिन कार्कीले ‘भागवत गीता’मा तेश्रोलिंगीको भूमिका निभाइ रहेका छन् । जस्को लागि क्लिन सेभ अनिवार्य छ । भेषभूषा पनि भिन्न हुनेछ । उनी सुटिङ रोकेर प्रिमियरमा उपस्थित भएका थिए ।
नाजिर हुसैन अभिनित परलिंगी कथामा बनेको ‘गुलाबी’ को पोस्टरले चर्चा पाउँदा बिपिनले ‘भागवत् गीता’मा तेश्रो लिंगीको भूमिका निभाएका हुन् । उनको पहिलो पोस्टर कस्तो आउला त ?
