मोहन निरौलाको प्यानलमा को-को अटाए ?
अभिनेत्री रेजिना उप्रेतीपछि शनिबार हुने चलचित्र कलाकार संघको निर्वाचनका अध्यक्ष पदका उम्मेदवार् मोहन निरौलाले प्यानल र एजेण्डा घोषणा गरेका छन् । बिहीबार काठमाडौंमा पत्रकार सम्मेलन गर्दै उनले एजेण्डासहित प्यानलबाट उम्मेदवारी दिने अन्यको नाम समेत सार्वजनिक गरेका हुन् ।
संघका वर्तमान उपाध्यक्ष तथा प्रवक्ता समेत रहेका मोहन निरौलाको प्यानलबाट उपाध्यक्षमा धनबहादुर बम्जन डीबी) र कविता गेलाल छन् भने महासचिवमा सविन श्रेष्ठ छन् । सचिवमा रामेश्वर बुर्लाकोटी छन् । कोषाध्यक्षमा सुनिल कटुवाल र सहकोषाध्यक्षमा पवित्रा आचार्य छिन् । सहकोषाध्यक्षमा उम्मेदवारी दिएकी आचार्य निर्विरोध छिन् ।
सदस्यहरुमा उद्धवप्रसाद भट्टराई, गोपाल ढकाल, शीतल केसी, पवन केसी, रोशन श्रेष्ठ, पुण्यप्रसाद पाण्डे, पुकार भट्टराई, नम्रता खरेल, रामशरण जंगम, बबिता ढकाल, सुनिलकुमार पुरी, गोपीलाल तामाङ, निर्मल स्याङ्तान र समीर लामा छन् ।
कलाकार संघको भवन तथा कार्यालय व्यवस्थापन, सदस्यतासहित सामाजिक सुरक्षा, वृत्तिविकासलाई निरौलाले एजेण्डा बनाएका छन् ।