‘प्रसाद २’ को’मार्सी धान’मा बिपिन, केकी र सरोज आश्माको ठुम्का
फिल्म ‘प्रसाद २’ मा समावेश पहिलो गीत ‘मार्सी धान’ मंगलबार सार्वजनिक गरिएको छ । गीतमा राजनराज सिवाकोटीको शब्द तथा संगीत छ । स्वर सिवाकोटी र मिलन नेवारले दिएका छन् । गीत :
लोक लयमा तयार पारिएको गीतमा कार्टुञ्ज क्रुका आश्मा विश्वकर्मा र सरोज अधिकारीको दमदार नृत्य छ । साथमा अभिनेता बिपिन कार्की र अभिनेत्री केकी अधिकारीको पनि रमाइलो नाच छ । प्रोमो पछि ‘प्रसाद २’ को यो गीत रिलिज गरिएको हो । फिल्मको प्रोमो जस्तै गीतले पनि दर्शकलाई छुने निर्माण पक्षको विश्वास छ ।
फिल्म सुदर्शन थापा निर्देशित ‘प्रसाद २’ मा बिपिन र केकीसँगै अर्पण थापा, महेश त्रिपाठी लगायतका कलाकारको पनि मुख्य भूमिका छ । राजेश श्रेष्ठको छायांकन रहेको फिल्ममा मिलन श्रेष्ठको सम्पादन छ ।
सुदर्शन बस्नेतको लगानीमा बनेको फिल्मको प्रस्तुतकर्ता सुभाष थापा हुन् । फिल्म यही चैत २४ गतेदेखि प्रदर्शनमा आउँदैछ ।