‘बहाव’को सुगासँग सुरक्षाको अटुट सम्बन्ध
फिल्म ‘बहाव’ मा अभिनेत्री सुरक्षा पन्तलाई सुगासँग संवाद गरेको र सुँगाको निकट रहेको देख्न सकिन्छ । चितवनमा फिल्मको दुई महिने वर्कसप र सुटिङ चल्दा सुरक्षा सुँगासँग बढी नजिकिइन् । फिल्म प्रचारको क्रममा सुरक्षाले आफु र सुँगाको सम्बन्ध बारे बेलिविस्तार लगाएकी छन् ।
‘म सुगासँग दुई महिना वर्कसपमा बसें । हामी पशु पन्छी भन्ने वित्तिकै भन्ने बित्तिकै छि छि दुरदुर पनि गर्छौ । सुगासँगको मेरो अनुभव केही फरक रह्यो’, सुरक्षा भन्छिन्, ‘मैले सुगालाई निस्की भनेर पिँजडाको ढोका खोलिदिए पनि ऊ निस्किएन । उसमा अन्यौल थियो । उसमा डर पनि हुँदो रहेछ । उसले हाम्रो भाषा बुझ्ने भए पनि ऊ समझदार थियो । जनावरमा आफैंमा अनौठो किसिमको गुण हुँदो रहेछ । फिल्मको कथा पनि केही हिसाबमा सुँगासँग मिल्छ ।’ प्रोमो :
सुरक्षाको अनुभवमा सुरुमा सुगा उनीसँग नजिकिएन । तर विस्तारै सुँगा सुरक्षासँग नजिकियो । ‘मसँग सुगा सुरुमा मानेन । तर ऊसँग बस्दै बोल्दै गएपछि उसले मलाई पत्यायो । जबकी म बाहेक अन्य व्यक्तिसँग सुगा नजिकिएन’, उनी भन्छिन्, ‘बिस्तारै सुगा मसँग यति नजिकियो कि मेरो खुट्टा वरपर नै घुम्न थाल्यो । राती सुत्दा पनि सुगा मेरो सिराने छेउमा रहेको स्टेण्ड लाइटमा गएर खुट्टा अड्काएर सुतिरहेको हुन्थ्यो ।’
ट्रेलरमा सुरक्षाले सुगासँग ‘तँलाई उड्न मन लाग्दैन हो’भनेर सोधेकी छन् । तर सुरक्षाको अनुभवमा सुगालाई उड्न मन लागे पनि ऊभित्र एक किसिमको डर छ । ‘सुगामा उड्न चाहने इच्छा भए पनि उडानमा उसलाई खस्ने डर छ । अथवा उसको गन्तव्य निश्चित छैन । किनकी ऊ पिँजडा भित्रै रमाइरहेको छ’, सुरक्षा भन्छिन् ।
सुरक्षाले आफू फिल्मको अर्को सुँगा भएको समेत सुनाइन् । ‘म घरबाट निस्कन चाहन्छु र तर समय तथा बाध्यताले त्यो अवस्था हुन दिँदैन । म बहावको अर्को सुँगा हुँ’, उनले भनिन् ।
स्वर्णीम इन्टरटेनमेन्ट र योङ स्टार सिनेमाको प्रस्तुती रहेको फिल्ममा प्रमोद कँडेलको लेखन तथा निर्देशन छ । ‘जिज्ञासा, विचार अनि यथार्थको कथा’ लाई प्रमुख विषय बनाइएको फिल्ममा श्रीधर पौडेलको लगानी छ । श्रीधरले यसअघि नेपाल सरकारबाट ‘राष्ट्रिय अवार्ड’ प्राप्त फिल्म ‘गोपी’ निर्माण गरेका थिए ।
फिल्म ‘बहाव’ मा सुरक्षासँगै कमलमणि नेपाल, अफरान अली, सुर्य शर्मा भट्ट, इश्वरी सिंह, हीरालाल कँडेल र पवन श्रेष्ठको अभिनय छ । फिल्म यही चैत २४ गतेबाट प्रदर्शनमा आउँदैछ ।