यो शुक्रबारबाट बहुपति प्रथाको ‘टुल्की’ हलहरुमा
फिल्म ‘टुल्की’ यहि जेठ १२ गतेबाट प्रदर्शनमा आउँदैछ । देवजङ्ग थापाले निर्देशन गरेको फिल्म बहुपति प्रथामा आधारित छ ।
‘टुल्की’ लाई ‘द पाल्म ग्रुप प्रालि’को ब्यानरमा निर्माण गरेको हो । फिल्मलाई हिमाली क्षेत्र डोल्पामा छायाँकन गरिएको छ । फिल्मको छायाँकन नमराज घिमिरेले गरेका छन् । शेखर लामाको प्रस्तुतिमा निर्माण भएको फिल्ममा आरपी कर्माचार्य र उजेली लामा निर्मातामा रहेका छन् ।
फिल्मको कथा लक्ष्मण सुनारले लेखेका हुन् भने स्क्रिन प्ले शेखर लामाको रहेको छ । फिल्ममा सम्पादन तारा थापा किम्भेको, पार्श्व संगीत संजिव सुब्बाको, कोरियोग्राफी लिगेश भट्टराइ र रमेश बुढाथोकीको रहेको छ ।
फिल्ममा शिशिर वाङ्देल, स्वस्तिमा कार्की, सोफिया लिम्बू, नरेन्द्र तामाङ, सोम लामा, शेखर लामा, सौजन सुब्बा, भक्तसिंह कठायत, रत्नप्रसाद न्यौपाने लगायत कलाकारको अभिनय रहेको छ ।
फिल्म ‘टुल्की’ले नेपाल ग्रामिण चलचित्र महोत्सव २०७९ मा उत्कृष्ट फिचर फिल्म र ‘स्क्रिन प्ले’ अवार्ड जित्न सफल बनेको थियो ।
