‘फनफनी’मा मा आर्यन अधिकारी अनुबन्धित
फिल्म फनफनी निर्माण हुने भएको छ । लक्ष्मण सुनारले निर्देशन गर्ने फिल्मलाई हरि मल्ल ठकुरी र गणेश मल्ल ठकुरीले मिलेर निर्माण गर्दैछन् । निर्देशक सुनारले बुलाकी बाट फिल्म निर्देशन सुरु गरेका हुन् ।
कमेडी तथा पारिवारिक कथामा आधारित फिल्म ‘फनफनी’मा अभिनेता आर्यन अधिकारी अनुबन्धित भएका छन् । निर्मण टिम र आर्यन बिच हालसालै सम्झौता भएको हो । अन्य कलाकार छनोटको चरणमा छन् । आर्यन अभिनित फिल्म ‘लाखे’ पछिल्लो पटक प्रदर्शनमा आएको थियो । ‘फनफनी’ को छायाँकन तिहारपछी फ्लोरमा जानेछ ।
फिल्मको सबै कलाकार र प्राविधिक पक्का गरेर निर्माण समुह सुटिङमा जाँदैछ । ‘फनफनी’को छायांकन नेपाल, भारत र अस्ट्रेलियामा गरिने तयारी छ ।
