रेखा र पूजाले गरिदिए ज्ञानेन्द्रको ‘वर्थडे सेलिव्रेट’
निर्देशक ज्ञानेन्द्र देउजाको आज (जेठ २२ गते) जन्मदिन हो । निर्देशक देउजालाई अभिनेत्रीद्वाय रेखा थापा र पूजा शर्माले केक काटेर वर्थडे सेलिव्रेट गरिदिएका छन् ।
निर्माता छविराज ओझो प्रमुख रहेको एफडी कम्पनीमा रेखा र पूजाले निर्देशक देउजाको वर्थडे केक काटिदिएका हुन् । रेखा फिल्मस् बाट नयाँ फिल्मलाई ज्ञानेन्द्र देउजाले निर्देशन गर्दैछन् । फिल्ममा रेखा र पूजा पक्का भएपनि अर्की एक जना नायिका तय हुंन बाँकी छ ।
ज्ञानेन्द्र देउजा र रेखा थापाले आधा दर्जन जति फिल्ममा सफल सहकार्य गरेका छन् । पूजासँग भने ज्ञानेन्द्र र रेखाको पहिलो पटक सहकार्य हुँदैछ । उसो त निर्देशक देउजा छविराज ओझाको नयाँ फिल्म जेल ब्रेकर निर्देशन गर्दैछन् ।
यद्पी निर्देशक देउजा आफ्नो टिमसँग रेखा फिल्मस्बाट बन्ने फिल्मको प्रि-प्रोडक्सनको अन्तिम चरणमा छ । फिल्मको छायाँकन सम्भवतः असारदेखि सुरु हुनेछ । फिल्मको लागि अर्की नायिका र प्रदर्शन मिती पर्खाइको विषय रहेको छ ।