नम्वर वान ट्रेन्डिङ : प्रकाश सपुतसँग ‘सकम्बरी’को ‘मुटु कटक्कै’
प्रकाश सपुतको नयाँ गीत ‘मुटु कटक्कै’ युटुव ट्रेन्डिङको शिर्ष स्थानमा छ । सोमबार सार्वजनिक गरिएको गीत भिडियोलाई हालसम्म झण्डै सत्र लाखले हेरेका छन् । भिडियो :
सर्जक सपुतको शब्द तथा संगीत रहेको गीतमा गायकद्वाय कुशल बेल्वासे र प्रताप दासले उनलाई स्वरमा साथ दिएका छन् । भिडियोमा सपुतसँगै मोडल कुशुम शर्माको मुख्य भूमिका छ । साथमा रोशनी कार्की, विजय पुन, प्रविण भट्ट, सुनिल विक लगायतको अभिनय छ । नवराज उप्रेतीले छायाँकन गरेको भिडियोलाई प्रविण भट्टले सम्पादन गरेका हुन् ।
‘सकम्बरी’पछि प्रकाश सपुत र कुशुम शर्माको जोडीलाई दर्शकले रुचाएका छन् । भिडियोमा समावेश रुवाबासी सेन्टरको चर्चा । विगतका गीतहरु जस्तै प्रकाश सपुतको यो गीत हिट हुने पक्का छ । ‘परदेशी २’ बाट नायक बनेको सपुत अर्को साल फिल्म निर्माण गर्ने तयारीमा छन् ।
