फागु पूर्णीममा रंगिए सेलिब्रेटी (फोटो एल्बम)
नेपाली फिल्मकर्मी यस वर्षको फागु पूर्णीमा हर्षोल्लासका साथ मनाएका छन् । अभिनेत्री करिश्मा मानन्धरले भने सासु आमाको जुठो परेका कारण होलि कार्यक्रम आयोजना गरिनन् र खेलिनन् ।
अभिनेता बिराज भट्टले आफ्नै निवासमा परिवारसँग होली मनाए । ‘१२ गाउँ ‘बनाउँदै गरेका बिराजका छोरा समिर भट्ट बलिदानमा अनुबन्धित भएका छन् । सोही फिल्मका निर्माता सन्तोषको टिमसँग होलि खेल्यो ।
यस्तै अभिनेत्री पूजा शर्माले प्रेमी युद्ध बानियाँ र आफ्ना फिल्मका युनिटसँग झम्सिखेलस्थित ट्याग रेष्टुरेन्टमा होलि मनाइन् ।
हालसालै बिबाह गरेकी अभिनेत्री नन्दिता केसीले पनि अमेरिकामा श्रीमान र परिवारसँग पहिलो पटक होली खेलिन् ।
सफलताका साथ चलिरहेको फिल्म ‘महाजात्रा’ युनिटले सयौं दर्शकको बिचमा होलि खेल्यो । निर्देशक प्रदीप भट्टराई अभिनेता बिपिन कार्की सहितको टिमले राजधानीका विभिन्न स्थानमा होलि कार्यक्रम मनायो ।
अभिनेत्री केकी अधिकारीले ‘बोक्सीको घर’को अफिसियल पोस्टर रिलिज गर्दै श्रीमान र फिल्म युनिटसँग फागु मनाइन् । उनको फिल्म बैशाख १४ गते रिलिज हुँदैछ ।
रमित ढुंगानाले पनि आफ्नो परिवारसँग होलि मनाएका छन् । उनी फिल्म डेव्यु निर्देशकिय फिल्म ‘नमेटिएको घाउ’को छायाँकनको तयारीमा छन् । अन्य सेलिब्रेटीहरुले होलि खेलेका पलहरु आफ्ना सामाजिक सञ्जालमा सेयर गरेका छन् ।
