‘वर एण्ड बधु’ का नव नायकले बनाए यस्तो वडी
फिल्म ‘वर एण्ड बधु’को बाँकी सुटिङ हुने भएको छ । फिल्मको बाँकी ५० प्रतिशत छायांकन नेपालमा गर्ने तयारी गरिएको हो । फिल्मका निर्देशक मिलन चाम्सका अनुसार, चैत्रको तेस्रो साताबाट फिल्मको छायांकन नेपालमा सुरु हुनेछ ।
फिल्मको दोस्रो सेड्यूलका लागि नव नायक विवेक कर्माचार्यले आफ्नो शरीर समेत बनाएका छन् । निर्माणपक्षले उपलब्ध गराएको विवेकको नयाँ तस्वीरमा उनको शरीर सुगठित देखिन्छ । कथाको माग अनुसार नै विवेकले शरीर बनाएको निर्देशक चाम्सले बताए । यो फिल्ममा सुदिप बरालको छायांकन छ ।
रोमान्टिक कमेडी कथामा तयार भइरहेको यो फिल्ममा बधुको भूमिकामा नायिका आँचल शर्माले काम छिन् भने वरको भूमिकामा भने नव-नायक कर्माचार्यले अभिनय गरिरहेका छन् ।
डाक्टर अमित रिजाल कार्यकारी निर्माता रहेको यो फिल्मलाई एलआरके इन्टरटेन्मेन्टको ब्यानरमा निर्माण गरिएको हो । यो फिल्मले विवाहको संकृतिलाई पर्दामा देखाउने निर्माणपक्षले बताएको छ । फिल्मको प्रदर्शन मिति छायांकन सकिएपछि तय गर्ने बताइएको छ ।
