रेयर र नीतिको ‘खजुरे ब्रो’ को टिजर कस्तो छ ?
फिल्म ‘खजुरे ब्रो’को टिजर रिलिज गरिएको छ । कलाकार रेयर राईको शिर्ष भूमिका रहेको फिल्ममा नीति शाह र महेश त्रिपाठीको पनि मुख्य भूमिका छ । टिजर :
फिल्मलाई ‘षडङ’ निर्देशक सुरज सुनुवारले निर्देशन गरेका हुन् । टिजरमा मित्रता, अहंकार, रोमान्स र संघर्षको कथावस्तु समेटिएको छ । धरान आसपासमा डुलिहिंड्ने ‘खजुरे ब्रो’ पात्रको केही वर्ष अगाडि मृत्यु भइसकेको छ । युट्युबमा उनी कस्ता थिए भनेर देखाउने भिडियो देख्न सकिन्छ ।
फिल्ममा रेयर, नीति र महेश सँगै कलाकारहरु प्रकाश भुजेल, विपिना थापा मगर, सुष्मा निरौला, पुष्कर कार्की, मनिष राउत, प्रेम सुब्बा, सुजाता राई, शान्तिला तामाङ, पवन लिम्बू, दीप चन्द्र राईलगायत कलाकारको अभिनय छ । अभिनेता मानन्धर तथा निर्देशक सुनुवारको संयुक्त निर्माण रहेको फिल्ममा सुनिल श्रेष्ठ, अनिल मानन्धर र पिकेश मानन्धर सह-निर्माता छन् ।
