आठ वर्षपछि प्रदीप र सुदर्शनबिच सहकार्य पक्का
निर्देशक सुदर्शन थापा र अभिनेता प्रदीप खड्काबिच नयाँ फिल्ममा सहकार्य हुने भएको छ । आठ वर्ष अगाडी सुदर्शन र प्रदीपले फिल्म ‘प्रेम गीत’मा सहकार्य गरेका थिए । उक्त फिल्म पश्चात् प्रदीपको फिल्मी उचाई बढेको थियो ।
‘फोटो खिच्ने र ब्रेकफास्ट गर्ने क्रममा भएका भलाकुसारी र ८ वर्ष ग्यापको कुराकानी मिठो थियो’, मंगलबार निर्देशक थापाले प्रदीपसँगको तस्बिर गर्दै सामाजिक सञ्जालमा लेखेका छन् । आठ वर्ष अगाडी निर्माण भएको सफल साँगीतिक लभ स्टोरी फिल्म प्रेम गीत पश्चात् प्रदीप र सुदर्शनबिच फिल्ममा सहकार्य हुन सकेको थिएन ।
‘रावायण’ पश्चात् प्रदीपसँग सम्झौता भएको फिल्म यही वर्ष छायाँकन गरिने निर्देशक थापाले बताए । आठ वर्षपछि सहकार्य गर्न लागेका सुदर्शन र प्रदीपको प्रोजेक्ट कस्तो होला त ? प्रतिक्षा गरौं ।
