हरिहरको जन्मदिनमा ‘ह्रस्व दीर्घ’को नयाँ अवतार सार्वजनिक

अभिनेता हरिहर अधिकारीको जन्मदिनमा फिल्म ‘ह्रस्व दीर्घ’ को नयाँ झलक सार्वजनिक गरिएको छ । पोस्टरमा हरिहरलाई दुई वटा अवतारमा प्रस्तुत गरिएको छ ।

पहिलो पोस्छरमा उनलाई लामो कपालमा छालाको ज्याकेट लगाएको आधुनिक परिधानमा देख्न सकिन्छ भने अर्कोमा निधारमा विभूत लगाएको धार्मिक ‘गेटअप’मा छन् । अभिनेत्री नीता ढुंगानाको मुख्य भूमिका रहेको फिल्म असोज ११ गतेदेखि प्रदर्शनमा आउँदैछ । फिल्ममा हरिहर र नीताको मुख्य भूमिका छ ।

यसअघि निर्माणपक्षले कलाकार ब्रमानन्दमको मात्र समावेश गरिएको पोस्टर रिलिज गरेको थियो । प्रेमकथा रहेको यो फिल्मको तेस्रो चरणको छायांकन बाँकी छ । बाँकी छायांकन मुम्बईमा हुनेछ । चन्द्र पन्त निर्देशित फिल्मलाई कविरलाल छायांकन गरेका छन् ।

अभिनेत्री विपना थापा यसै फिल्म मार्फत अभिनयमा कमब्याक भएकी छन् । साथमा मोडल गरिमा शर्मा लगायत अन्य दक्षिण भारतीय कलाकारहरुको समेत अभिनय छ ।