’भाइरल गोर्खे’ बन्दै सौगात मल्ल, निर्देशक निगम श्रेष्ठ
अभिनेता सौगात मल्लको शिर्ष भूमिकामा फिल्म ’भाइरल गोर्खे’ निर्माण हुने भएको छ । फिल्मलाई निर्देशक निगम श्रेष्ठले निर्देशन गर्नेछन् ।
यसै साता निर्देशक श्रेष्ठले सामाजिक सञ्जालमा उक्त पोस्टर सार्वजनिक गर्दै आफ्नो नयाँ फिल्म बारे जानकारी दिएका हुन् । पोस्टरमा अभिनेता मल्ल राँगामाथि उभिएर पोज दिइरहेका छन् । पोस्टर अनुसार कमेडी जनरामा फिल्म बन्न लागेको अनुमान गर्न सकिन्छ । फिल्मको निर्मातामा विशाल ताम्राकार र महेश लामिछाने छन् ।
निगम र सौगातले फिल्म छड्के अनि लाल पुर्जामा सहकार्य गरेका छन् । निगम श्रेष्ठ निर्देशित फिल्म छड्के २ पछिल्लो पटक प्रदर्शनमा आएको थियो ।
