भिडियो पसल एपमा ‘एक भगवत् र एक गीता’
झरना थापा निर्देशित फिल्म ’एक भगवत् र एक गीता’ भिडियो पसल एपमा रिलिज गरिएको छ । यो फिल्मलाई नेपाल बाहिरबाट मात्र हेर्न सकिने व्यवस्था गरिएको छ ।
फिल्म ’एक भगवत् र एक गीता’ लैंगिक अल्पसंख्यक समुदाय र मधेसको कथावस्तुमा निर्माण गरिएको हो । जहाँ अभिनेता बिपिन कार्कीले मुख्य भूमिका निर्वाह गरेका छन् । साथमा सुहाना थापा, धिरज मगर, कबिर खड्का, जेविश र जेविन श्रेष्ठ, सञ्जोग रसाइली, मुकेश झा, अनुराग कुँवर, राम कैलाश ठाकुर, धिरज ठाकुरी लगायत कलाकारको अभिनय छ ।
सुनिल कुमार थापाको निर्माणमा बनेको फिल्मको कथा निर्देशक झरना थापाको रहेको छ । सबै स्मार्ट डिभाइसमा भिडियो पसल एप डाउनलोड गरी फिल्म हेर्न सकिन्छ । २०१७ देखि सञ्चालनमा रहेको भिडियो पसलमा एक भगवत एक गीता सँगै ’छक्का पन्जा ४, झिँगेदाउ, मन्त्र, लाखे’ लगायतका फिल्म हेर्न सकिन्छ ।
