‘म यस्तो गीत गाउँछु’ को बम्पर ओपनिङ : वितरक

फिल्म ‘म यस्तो गीत गाउँछु’ ले प्रदर्शनको पहिलो दिन शुक्रबार दर्शकको उत्साहप्रद साथ पाएको छ । राजधानी र मोफसलमा फिल्मले हाउसफूलको व्यापार गरेको वितरक गोपाल कायस्थले बताएका छन् । दर्शकको चाप बढेपछि राजधानीका गोपिकृष्ण र अष्टनारायण हलमा हल संख्या थपिएको कायस्थले बताए ।


चावाहिलको गोपिकृष्ण हलमा हिन्दी फिल्म ‘जग्गा जासुस’ लाई हटाएर ‘क’ वर्गको गोपी हलमा ‘म यस्तो गीत गाउँछु’ लाई लगाइएको छ । ‘नयाँ वर्ष र चाड पर्व बिना पनि ‘म यस्तो गीत गाउँछु’ले बम्परको व्यापार गरेको छ । निकै समय पछि कुनै पनि नेपाली फिल्मले शुक्रबार यस्तो व्यापार गरेको हो’, वितरक कायस्थले भने । उसो त नेपाली नयाँ वर्षपछि नेपाली फिल्म हलमा दर्शकको खडेरी लागेको थियो । ‘लामो समयपछि नेपाली फिल्ममा दर्शक आएका छन्’, राजधानीका हलवाला भन्छन्, ‘हलमा बल्ल बहार’ आएको छ । यो रमाइलो भिडियो हेर्नुस् :

यता पहिलो दिनमै हलमा दर्शकको चाप उच्च भएपछि निर्देशक तथा निर्माता सुदर्शन थापा दंग छन् । ‘दर्शक आउनु भएकोमा खुसी त छु नै । हलसम्म आएर पनि फिल्म मन पराइदिनु भयो यसको लागि उहाँहरुप्रति कृतज्ञ छु ।’ फिल्मका मुख्य दुई पात्र पल शाह र पूजा शर्माले सम्पूर्ण दर्शकलाई धन्यवाद दिए । संजय लामाको छायाँकन रहेको फिल्ममा अर्जुन पोखरेलको संगीत छ । म यस्तो गीत गाउँछु देशका करिब ५५ हलहरुमा लागिरहेको छ ।

प्रतिक्रिया
हाम्रो टिम :-
प्रबन्ध निर्देशक/प्रधान सम्पादक : उत्सब रसाईली
अफिसियल फोटोग्राफर : उद्धव रसाईली
बजार प्रबन्धक : कुशल घतानी
ग्राफिक्स डिजाइनर : विजय बस्याल 'टौवा क्रियशन'
हाम्रो बारेमा
एउटा तीतो यथार्थ के छ भने नेपाली समाजमा फिल्मलाई अझ गम्भीर रुपमा लिइदैन । हल्का र टाइमपास जस्तो मात्र ठानिन्छ । प्रगतीतर्फ उन्मुख भए पनि कलाकर्मीलाई हेर्ने दृष्टिकोण अझ साँघुरो छ । र, यो सम्मानभावलाई अझ चुचुरोमा पुराउँदै फिल्म उद्योगप्रति सबैले सम्मान गर्ने माहौल सिर्जना गर्नु दायित्व पत्रकारिताको पनि हो । हामीले यसलाई अनुग्रह भन्दा कर्तव्य ठानेका छौं । त्यस्तै, कलाकार र दर्शकबीचको दुरी कम गर्दै फिल्मप्रति अपनत्व भाव विकास गर्न पनि हामी खुलेर लाग्नेछौं ।
© Copyright 2017 by RamailoChha