पुर्व मिस नेपाल उषा खड्गीले ‘आउँदै जाँदै’ बनाउने, श्रीमानले निर्देशन गर्ने

मिस नेपाल (२०००) उषा खड्गीले फिल्म निर्माण गर्ने भएकी छिन् । उषाले निर्माण गर्ने फिल्म ‘आउँदै जाँदैै’ को आइतबार औपचारिक रुपमा घोषणा गरियो । रोमान्टिक कमेडी जनराको फिल्मलाई उषाका पति जिपी तिमल्सिनाले निर्देशन गर्नेछन् । जिपी झण्डै डेढ दशकदेखि मिडिया क्षेत्रमा सक्रिय छन् ।

तिहारपछि छायाँकन सुरु गरिने फिल्मको मुख्य कलाकारहरु भने तय भैसकेका छैनन् । प्रेसमिटमा निर्देशक तिमल्सिनाले कलाकारहरु चाँडै नै तय गरिने बताए । २६ वर्षका युवाहरुको प्रेम कथालाई पर्दामा उतारिनेछ । काठमाण्डौं, पोखरा, चितवन र पश्चिम नेपालमा छायाँकन गरिने फिल्मको लगानी एक करोडसम्म पुग्ने आँकलन गरिएको छ । प्रेसमिटमा निर्देशक तिमल्सिनाले आफुले निर्देशन गर्ने फिल्मले दश करोड सम्म कमाउन सक्ने आँकलन गरे ।


सामिप्यराज तिमल्सिना र प्रज्ञान थापाको लेखन रहेको रहेको फिल्म ‘आउँदै जाँदै’ मा सन्तोष अधिकारी र मनोज बदेल सह निर्माताको रुपमा रहेका छन् ।

प्रतिक्रिया
हाम्रो टिम :-
प्रबन्ध निर्देशक/प्रधान सम्पादक : उत्सब रसाईली
अफिसियल फोटोग्राफर : उद्धव रसाईली
बजार प्रबन्धक : कुशल घतानी
ग्राफिक्स डिजाइनर : विजय बस्याल 'टौवा क्रियशन'
हाम्रो बारेमा
एउटा तीतो यथार्थ के छ भने नेपाली समाजमा फिल्मलाई अझ गम्भीर रुपमा लिइदैन । हल्का र टाइमपास जस्तो मात्र ठानिन्छ । प्रगतीतर्फ उन्मुख भए पनि कलाकर्मीलाई हेर्ने दृष्टिकोण अझ साँघुरो छ । र, यो सम्मानभावलाई अझ चुचुरोमा पुराउँदै फिल्म उद्योगप्रति सबैले सम्मान गर्ने माहौल सिर्जना गर्नु दायित्व पत्रकारिताको पनि हो । हामीले यसलाई अनुग्रह भन्दा कर्तव्य ठानेका छौं । त्यस्तै, कलाकार र दर्शकबीचको दुरी कम गर्दै फिल्मप्रति अपनत्व भाव विकास गर्न पनि हामी खुलेर लाग्नेछौं ।
© Copyright 2017 by RamailoChha