‘प्रेम गीत २’ आक्रमक ओपनिङ, जान्नुस् ३ कारण

प्रतिक्षित फिल्म ‘प्रेम गीत २’ ले आशातित इनिसियलको व्यापार गरेको छ । फिल्मले दुई दिनमा दुई करोड माथिको व्यापार गरेको निर्माण पक्षको दाबी छ । जे होस् शुक्रबार र शनिबार हलमा प्रेम गीत २ हेर्ने दर्शकको भिड देखियो । नायक प्रदीप खड्का, नायिका अश्लेषा ठकुरी र निर्माता सन्तोष सेनको टोलीले दुवै बार हलहलमा गएर दर्शकसँग सेल्फी खिचाए । मुर्मादेखि बर्मासँगको कथा भनिएको फिल्म फिल्म प्रेम गीत २ को सुरुवाती व्यापार किन आक्रमक हुन गयो त ? विभिन्न कारणहरुमध्ये हामीले यी तीन कारणहरुलाई प्रस्तुत गरेका छौं :

१.हिट प्रिक्वेल : ‘प्रेम गीत २’ को इनिसियल व्यापार हुनुको पहिलो कारणमा यसको प्रिक्वेल अर्थात् प्रेम गीत हिट हुनु हो । गएको दुई साल पहिले रिलिज भएको साँगीतिक प्रेम कथा बोकेको प्रेम गीतले दर्शकको मन जितेको थियो भने निर्मातालाई व्यापारिक रुपमा फाइदा पनि गराएको थियो । प्रदीप खड्का र पूजा शर्माको मुख्य भूमिका रहेको फिल्मलाई सुदर्शन थापाले निर्देशन गरेका थिए । सिक्वेलमा भने निर्देशनमा रामशरण पाठक र नायिकामा अश्लेषा ठकुरी रिप्लेस भए ।

२.व्यापक प्रचार : फिल्म हिट गराउन अपनाउनु पर्ने व्यापक प्रचारको फर्मुला ‘प्रेम गीत २’ टिमले भरपुर रुपमा अपनायो । देशका प्रमुख शहरमा कन्र्सट गरेको यो टिमले मिडिया क्याम्पेनिङ गर्नमा पनि सफल रह्यो । अश्लेषाको वर्डरोव मालफङसन देखि प्रदीपको पन्ध्र लाखको पारिश्रमीकले मिडियामा चर्चा पायो । गीत, संगीत तथा प्रोमोलाई मिडियामा व्यापक रुपमा प्रशारण गरियो ।

३.प्रदीपको क्रेज : दोश्रो फिल्म ‘प्रेम गीत’ बाट दर्शकमाझ प्रदीप खड्काले आफ्नो बेग्लै छाप बनाएका छन् । युवा पुस्तामा प्रदीपको क्रेज उच्च छ । दुई दिन हलमा दर्शक ओइरिनुमा प्रदीपको क्रेजलाई पनि प्रमुख कारण मध्ये एकमा लिइएको छ । हल हल पुगेका प्रदीपसँग सेल्फी खिच्न युवतीहरु बिच तँछाडमँछाड भएको थियो । दोश्रो फिल्मले आक्रमक इनिसियल गरेपछि प्रदीप अनमोल केसी र पल शाह को युथ स्टार को लाइनमा उभिएका छन् ।

प्रतिक्रिया
हाम्रो टिम :-
प्रबन्ध निर्देशक/प्रधान सम्पादक : उत्सब रसाईली
अफिसियल फोटोग्राफर : उद्धव रसाईली
बजार प्रबन्धक : कुशल घतानी
ग्राफिक्स डिजाइनर : विजय बस्याल 'टौवा क्रियशन'
हाम्रो बारेमा
एउटा तीतो यथार्थ के छ भने नेपाली समाजमा फिल्मलाई अझ गम्भीर रुपमा लिइदैन । हल्का र टाइमपास जस्तो मात्र ठानिन्छ । प्रगतीतर्फ उन्मुख भए पनि कलाकर्मीलाई हेर्ने दृष्टिकोण अझ साँघुरो छ । र, यो सम्मानभावलाई अझ चुचुरोमा पुराउँदै फिल्म उद्योगप्रति सबैले सम्मान गर्ने माहौल सिर्जना गर्नु दायित्व पत्रकारिताको पनि हो । हामीले यसलाई अनुग्रह भन्दा कर्तव्य ठानेका छौं । त्यस्तै, कलाकार र दर्शकबीचको दुरी कम गर्दै फिल्मप्रति अपनत्व भाव विकास गर्न पनि हामी खुलेर लाग्नेछौं ।
© Copyright 2017 by RamailoChha