सुपरस्टार सलमान खानका पाँच सुपर फ्लप फिल्म

बलिउडका सुपरस्टार सलमान खानले सन् १९८८ मा ‘बिबी हो तो ऐसी’बाट फिल्मबाट डेब्यु गरेका हुन । आज सम्म सय भन्दा बढि फिल्ममा अभिनय गरिरकेका छन् । उनले खेलेको फिल्म सबै हिट छैनन् । सलमान खानले अभिनय गरेको फिल्मको लगानी र प्रदर्शनपछिको कमाइलाई हेर्दा उनका ३२ वटा फिल्म फ्लप भएका छन् । सलमानको सुपर प्mलप भएका ५ फिल्म उल्लेख गरिएको छ ।

१. लभ
लभ सन् १९९१ मा रिलिज भएको फिल्म हो । सलमान खान र रेवती मुख्य भुमिकामा रहेको तेलगु फिल्म ‘प्रेमा’ हिन्दी रुपान्तरण गरिएको थियो । तर, प्रेमा फिल्म जस्तो लभले सफलता पाउन सकेन । फिल्म सुरेश कृष्णले निर्देशन तथा स्याम बजाजले निर्माण गरेका थिए । फिल्मले २.५ करोड मात्र कमाएको थियो ।

२. सूर्यवंशी
सूर्यवंशी सन् १९९२ मा रिलिज फिल्म हो । खान, सहिवा, साहिद जाफरी र अमृता सिंहको मुख्य भूमिका रहेको फिल्म पनि फ्लप भएको थियो । फिल्मलाई राकेश कुमारले निर्देशन तथा विजयकुमार गलानीले निर्माण गरेका थिए । यो फिल्मले पनि आफ्नो सम्पूर्ण प्रदर्शनबाट १.५ करोड मात्र कमाएको थियो ।

३. एक लड्का एक लड्की
‘एक लडका एक लडकी’ सन् १९९२ मा प्रदर्शन भएको फिल्म हो । निलम कोथारी र सलमान खानको प्रमुख भूमिका रहेको फिल्म पनि फ्लप भएको थियो । हलिउड फिल्म ओभर बोर्डको हिन्दी रुपान्तरण गरिएको फिल्मले सफलता पाउन सकेन । फिल्मलाई विजय साडनाहले निर्देशन तथा डिडी यान्डेले निर्माण गरेका थिए । फिल्मले जम्मा १.८ करोड मात्र कमाएको थियो ।

४. मेरीगोल्ड
सन् २००७ मा रिलिज भएको फिल्म मेरीगोल्डले राम्रो व्यापार गर्न सकेन । फिल्ममा सलमान खान र अली लार्टरको मुख्य भूमिका रहेको थियो । फिल्मलाई विल्लार्ड कारोलले निर्देशन तथा चाल्र्स साल्मोनले निर्माण गरेका थिए । फिल्मले जम्मा एक करोड मात्र कमाई गरेको थियो ।

५. मे और मिसेस खन्ना
‘मे और मिसेस खन्ना’ सन् २००९ मा रिलिज भयो । सलमान खान, करिना कपूर र सोहेल खान लिड रोलमा रहेको फिल्म पनि सलमानको करियरकै फ्लप फिल्म भित्र पर्दछ । फिल्मलाई प्रमेम सोनीले निर्देशन तथा सोहेल खानले निर्माण गरेका थिए । २०.२ करोडको लगानीमा बनेको सो फिल्मले प्रर्दशनबाट ८ करोड मात्र कमाएको थियो ।

प्रतिक्रिया
हाम्रो टिम :-
प्रबन्ध निर्देशक/प्रधान सम्पादक : उत्सब रसाईली
अफिसियल फोटोग्राफर : उद्धव रसाईली
बजार प्रबन्धक : कुशल घतानी
ग्राफिक्स डिजाइनर : विजय बस्याल 'टौवा क्रियशन'
हाम्रो बारेमा
एउटा तीतो यथार्थ के छ भने नेपाली समाजमा फिल्मलाई अझ गम्भीर रुपमा लिइदैन । हल्का र टाइमपास जस्तो मात्र ठानिन्छ । प्रगतीतर्फ उन्मुख भए पनि कलाकर्मीलाई हेर्ने दृष्टिकोण अझ साँघुरो छ । र, यो सम्मानभावलाई अझ चुचुरोमा पुराउँदै फिल्म उद्योगप्रति सबैले सम्मान गर्ने माहौल सिर्जना गर्नु दायित्व पत्रकारिताको पनि हो । हामीले यसलाई अनुग्रह भन्दा कर्तव्य ठानेका छौं । त्यस्तै, कलाकार र दर्शकबीचको दुरी कम गर्दै फिल्मप्रति अपनत्व भाव विकास गर्न पनि हामी खुलेर लाग्नेछौं ।
© Copyright 2017 by RamailoChha