मोफसलबाट राजधानी फर्कियो ‘ऐश्वर्य’ टिम

गत शनिबार मोफसल टुरमा निस्किएको ‘ऐश्वर्य’ युनिटले मंगलबार राजधानी फर्किएको छ । पोखरा, चितवन र हेटौडाका सञ्चारकर्मीसँग अन्र्तक्रिया गर्दै निर्माता तथा अभिनेता रमेश उप्रेती, नायिका दीपिका प्रसाईं, कलाकार प्रशान्त ताम्राकार सह निर्माता तथा कलाकार निर्मल शर्मा राजधानी फर्किएका हुन् ।

आउँदो कात्तिक ९ गते छठको अवसर पारेर प्रदर्शनमा आउने फिल्म ‘ऐश्वर्य’ को गीत तिमी रोएको पल र प्रोमोले चर्चा पाइरहंदा यसको निर्माण टिम पनि फिल्म चल्नेमा आशावादी देखिएको छ । यसमा वितरक तथा हल सञ्चालक पनि सकारात्मक देखिएका छन् । यस्तैमा वितरक तथा हेटौंडाका हल सञ्चालक नरेन्द्र महर्जन भन्छन्, रमेशजी पुरानो कलाकार हुनुहुन्छ र उहाँलाई हामीले साथ दिनै पर्छ’ उनले थपे ’उहाँ कलाकार भएर अहिले निर्माता बन्नु भएको छ, जुन यस क्षेत्रकै लागि खुसीको कुरा हो किनकी उहाँले क्षेत्रलाई नजिकबाट बुझ्नु भएको छ ।’ निर्माता तथा अभिनेता उप्रेतीले पनि ‘ऐश्वर्य’ले सबैको आशालाई निराशा नबनाउने बताए । ‘फिल्म स्तरिय बनेको छ’, रमेशले भने ।

यता दीपिका र प्रशान्तले पनि फिल्मबाट निकै नै आशावादी रहेको बताए । फिल्ममा केकी अधिकारी, विकाश खतिवडा, अर्जुन श्रेष्ठ, तेन्जु योन्जन, अर्जुनजंग शाही लगायतको पनि अभिनय रहेको छ । दिवाकर भट्टराईको लेखन तथा निर्देशनमा तयार ऐश्वयमा निर्मलसँगै किरण राणा उप्रेती र अर्जुन श्रेष्ठको लगानी रहेको छ । अर्जुन पोखरेलको संगीत, राजेश श्रेष्ठ र सुदीप बरालको छायाँकन रहेको फिल्ममा हिमाल केसीको द्वन्द निर्देशन रहेको छ । रमेश र दीपिकासँग गरिएको रमाईलो कुराकानी हेर्नुस् : 

प्रतिक्रिया
हाम्रो टिम :-
प्रबन्ध निर्देशक/प्रधान सम्पादक : उत्सब रसाईली
अफिसियल फोटोग्राफर : उद्धव रसाईली
बजार प्रबन्धक : कुशल घतानी
ग्राफिक्स डिजाइनर : विजय बस्याल 'टौवा क्रियशन'
हाम्रो बारेमा
एउटा तीतो यथार्थ के छ भने नेपाली समाजमा फिल्मलाई अझ गम्भीर रुपमा लिइदैन । हल्का र टाइमपास जस्तो मात्र ठानिन्छ । प्रगतीतर्फ उन्मुख भए पनि कलाकर्मीलाई हेर्ने दृष्टिकोण अझ साँघुरो छ । र, यो सम्मानभावलाई अझ चुचुरोमा पुराउँदै फिल्म उद्योगप्रति सबैले सम्मान गर्ने माहौल सिर्जना गर्नु दायित्व पत्रकारिताको पनि हो । हामीले यसलाई अनुग्रह भन्दा कर्तव्य ठानेका छौं । त्यस्तै, कलाकार र दर्शकबीचको दुरी कम गर्दै फिल्मप्रति अपनत्व भाव विकास गर्न पनि हामी खुलेर लाग्नेछौं ।
© Copyright 2017 by RamailoChha