‘लभ डायरीज’मा सुशिलको सुगठिलो शरिर

फिल्म ‘लभ डायरीज’ का लागि नायक सुशिल श्रेष्ठले सुगठिलो शरिर बनाएका छन् । तस्बिरहरु हेर्दा प्रष्ट हुन्छ कि सुशिलले निकै मिहेनतका साथ आकर्षक ‘वडी’ बनाएका छन् । उनको ज्यान हेर्दा जोही लोभिने पक्का छ । पर्यटकीय नगरी सौराहबाट ‘लभ डायरीज’का केही ‘एक्सक्लुसिभ’ तस्बिरहरु बाहिरिएका हुन् ।


‘लभ डायरीज’ मा सुशिलले एक ‘विज्नेसम्यान’को छोराको भूमिका निभाइरहेका छन् । यसमा मोज मस्तीसँगै संघर्षको कथा पनि छ, सुशिलले आफ्नो भूमिका बारे छोटकरीमा भने । सुशिलको अपोजिटमा नव नायिका रुविना थापा प्रस्तुत भएकी छन् । रुविना भने एक साधारण युवतीको भूमिकामा प्रस्तुत भएकी छन् । फिल्मलाई सौरभ चौधरीले निर्देशन गरेका हुन् ।

निर्देशक चौधरीले ‘लभ डायरीज’ नाम जस्तै फिल्म रहेको बताए । दुई वर्षदेखी यही फिल्मका लागि खटिएको छु निर्देशक चौधरीले भने । चितवन पनि फिल्मको कथाकै मागेअनुसार रहेको उनले बताए । फिल्मको सत्तरी प्रतिशत छायाँकन झण्डै चितवनमा हुनेछ । सुशिल र रुविना सँगै फिल्ममा विश्वजित रिमाल, विष्णु सापकोटा, अर्जुनजंग शाही, बिशाल पहारीे मुख्य भूमिका रहेका छन ।


साहिल खान एसोसियट निर्देशकको रुपमा रहेको छन् भने साहिल र मिलन श्रेष्ठले फिल्मलाई सम्पादन गर्ने छन् । विनोद सापकोटाको निर्माण, विवी ढकालको सह निर्माण रहको छ । ‘लभ डायरीज’मा संजय लामाको छायांकन, अर्जुन पोखरेल संगीत र कविराज गहतराजको कोरियोग्राफी रहेको छ ।

प्रतिक्रिया
हाम्रो टिम :-
प्रबन्ध निर्देशक/प्रधान सम्पादक : उत्सब रसाईली
अफिसियल फोटोग्राफर : उद्धव रसाईली
बजार प्रबन्धक : कुशल घतानी
ग्राफिक्स डिजाइनर : विजय बस्याल 'टौवा क्रियशन'
हाम्रो बारेमा
एउटा तीतो यथार्थ के छ भने नेपाली समाजमा फिल्मलाई अझ गम्भीर रुपमा लिइदैन । हल्का र टाइमपास जस्तो मात्र ठानिन्छ । प्रगतीतर्फ उन्मुख भए पनि कलाकर्मीलाई हेर्ने दृष्टिकोण अझ साँघुरो छ । र, यो सम्मानभावलाई अझ चुचुरोमा पुराउँदै फिल्म उद्योगप्रति सबैले सम्मान गर्ने माहौल सिर्जना गर्नु दायित्व पत्रकारिताको पनि हो । हामीले यसलाई अनुग्रह भन्दा कर्तव्य ठानेका छौं । त्यस्तै, कलाकार र दर्शकबीचको दुरी कम गर्दै फिल्मप्रति अपनत्व भाव विकास गर्न पनि हामी खुलेर लाग्नेछौं ।
© Copyright 2017 by RamailoChha