मुन्द्रेले ७ लाखमा साइन गरे पूजा र सुदर्शनको फिल्म

निर्देशक सुदर्शन थापा र नायिका पूजा शर्माले निर्माण गर्ने नयाँ फिल्ममा मुन्द्रेको नामले चर्चित हाँस्य व्यांग्य कलाकार जितु नेपाल अनुबन्धित भएका छन् । केदार घिमिरे ‘माग्ने बुढा’, विल्सन विक्रम राई ‘तक्मे बुढा’ र कलाकार रविन्द्र झापछि सुदर्शन र पूजाको फिल्ममा मुन्दे्र अनुबन्धित भएका हुन् ।


माग्ने बुढालाई दश लाख पारिश्रमिक दिएका सुदर्शन र पूजाले मुन्द्रेलाई चाहिं कति पारिश्रमिक दिए त ? ‘सात लाखमा जितु जीले फिल्म खेल्ने सम्झौता गर्नु भयो’, निर्देशक थापाले भेन । जितुले पनि आफुले पारिश्रमिक रकम सात लाख लिएको स्विकार गरे । आफ्ना अघिल्ला फिल्महरुमा भन्दा भूमिका भिन्न हुने जितुले बताए ।

माग्ने बुढालाई भन्दा मुन्द्रेलाई ३ लाख पारिश्रमिक रकम कम दिएको बारे निर्देशक तथा निर्माता थापाले भने, ‘उहाँको भूमिका अनुसार पारिश्रमिक दिएका हौं । केदार जी भन्दा जितु जीले फिल्मका लागि केही साता कम समय दिनुपर्नेछ ।’

नाम र मुख्य नायक पक्का हुंन बाँकी फिल्ममा नायिका पूजा शर्मा सोलो नायिकाको रुपमा प्रस्तुत हुँदैछिन् । कमेडी लभ स्टोरी फिल्ममा आफ्नो भूमिका फरक हुने पूजाले बताइन् । अर्जुन पोखरेलेको संगीत रहने फिल्मको छायाँकन माघको अन्त्यदेखि सुरु हुनेछ ।

प्रतिक्रिया
हाम्रो टिम :-
प्रबन्ध निर्देशक/प्रधान सम्पादक : उत्सब रसाईली
अफिसियल फोटोग्राफर : उद्धव रसाईली
बजार प्रबन्धक : कुशल घतानी
ग्राफिक्स डिजाइनर : विजय बस्याल 'टौवा क्रियशन'
हाम्रो बारेमा
एउटा तीतो यथार्थ के छ भने नेपाली समाजमा फिल्मलाई अझ गम्भीर रुपमा लिइदैन । हल्का र टाइमपास जस्तो मात्र ठानिन्छ । प्रगतीतर्फ उन्मुख भए पनि कलाकर्मीलाई हेर्ने दृष्टिकोण अझ साँघुरो छ । र, यो सम्मानभावलाई अझ चुचुरोमा पुराउँदै फिल्म उद्योगप्रति सबैले सम्मान गर्ने माहौल सिर्जना गर्नु दायित्व पत्रकारिताको पनि हो । हामीले यसलाई अनुग्रह भन्दा कर्तव्य ठानेका छौं । त्यस्तै, कलाकार र दर्शकबीचको दुरी कम गर्दै फिल्मप्रति अपनत्व भाव विकास गर्न पनि हामी खुलेर लाग्नेछौं ।
© Copyright 2017 by RamailoChha