साम्राज्ञीलाई प्रस्ताव गरिएको फिल्ममा स्वस्तिमा पक्का

अग्रज निर्माता अशोक शर्माले निर्माण तथा निर्देशन गर्ने फिल्मको लागि मुख्य पात्रहरु तय भएका छन् । नाम तय भैनसकेको फिल्ममा अभिनेता सौगात मल्ल, खगेन्द्र लामिछाने, नायिका स्वस्तिमा खड्का, नायक सलोन बस्नेत, कलाकार बुद्धी तामाङ, जयनन्द लामा, राजाराम पौडेल र रामचन्द्र अधिकारी मुख्य भूमिकाको लागि अनुबन्धित भएका छन् ।

अभिनेता खगेन्द्र लामिछानेकै स्क्रिप्ट रहेको फिल्ममा नायिका भने रोेजेकी छनोट भइनन्, फिल्मको लागि नायिका स्वस्तिमा खड्का छनोट भइन् । स्वस्तिमा भन्दा अगाडी नायिका साम्राज्ञी राज्यलक्ष्मी शाहसँग फिल्म निर्माण पक्षले स्क्रिप्ट सुनाएको थियो । स्क्रिप्ट सुनेपछि साम्राज्ञीले आफु उक्त रोलको लागि तयार नभएको जवाफ दिएकी थिएकी थिइन् । साम्राज्ञी पछि फिल्मको अफर स्वस्तिमालाई पुगेको थियो र उनी फिल्म खेल्न तयार भएकी हुन् ।

माघको अन्तिम साताबाट फ्लोरमा जाने यो फिल्मको सम्पूर्ण जसो छायाँकन पूर्वको ईलाम, विर्तामोड र दमकका विभिन्न ग्रामिण भेगमा हुनेछ । फिल्मलाई पुरुषोत्तम प्रधानले खिच्नेछन् । फिल्मलाई आगामी दशैंमा रिलिज गर्ने चर्चा छ ।

प्रतिक्रिया
हाम्रो टिम :-
प्रबन्ध निर्देशक/प्रधान सम्पादक : उत्सब रसाईली
अफिसियल फोटोग्राफर : उद्धव रसाईली
बजार प्रबन्धक : कुशल घतानी
ग्राफिक्स डिजाइनर : विजय बस्याल 'टौवा क्रियशन'
हाम्रो बारेमा
एउटा तीतो यथार्थ के छ भने नेपाली समाजमा फिल्मलाई अझ गम्भीर रुपमा लिइदैन । हल्का र टाइमपास जस्तो मात्र ठानिन्छ । प्रगतीतर्फ उन्मुख भए पनि कलाकर्मीलाई हेर्ने दृष्टिकोण अझ साँघुरो छ । र, यो सम्मानभावलाई अझ चुचुरोमा पुराउँदै फिल्म उद्योगप्रति सबैले सम्मान गर्ने माहौल सिर्जना गर्नु दायित्व पत्रकारिताको पनि हो । हामीले यसलाई अनुग्रह भन्दा कर्तव्य ठानेका छौं । त्यस्तै, कलाकार र दर्शकबीचको दुरी कम गर्दै फिल्मप्रति अपनत्व भाव विकास गर्न पनि हामी खुलेर लाग्नेछौं ।
© Copyright 2017 by RamailoChha