ऋचा र अर्पणको ‘फेरी फेरी’ मुर्हत

कमेडी कथामा ‘फेरि–फेरि’ नामक फिल्म बन्ने भएको छ । पुरन थापाको लेखन, निर्माण र निर्देशन रहेको फिल्मको मंगलबार राजधानीमा शुभ मुर्हत गरियो । फिल्ममा अभिनेता अर्पण थापा र अभिनेत्री ऋचा शर्मा मुख्य भूमिकामा प्रस्तुत भएका छन् ।

माघ १८ गतेदेखि छायांकन सुरु हुने फेरि फेरि पहिलोपटक ३५ सेन्सरयुक्त अत्याधुनीक प्रबिधिको रेड इपिक डब्लु हेलियम एट के क्यामेराबाट खिचिदैछ । निर्देशक पुरनले अत्याधुनीक प्रबिधिका साथ अत्यन्तै मनोरञ्जन फिल्म बनाउने ध्यये राखीएको बताए । कार्यक्रममा चलचित्र निर्माता संघका अध्यक्ष आकाश अधिकारीले फेरि फेरिलाई शुभकामना दिदै फिल्म निर्माणमा मात्र नभइ प्रदर्शनमा पनि अध्याधुनीक प्रबिधिको ब्यबस्थापन गर्नुपर्नेमा जोड दिए । उनले शहरी क्षेत्रका कतिपय हलमा अहिलेसम्म पनि एचडिमै फिल्म देखाइने गरिएको बताउँदै कम्तीमा सबै हलमा टु–के प्रोजेक्सनको अपरिहार्यता औल्याए ।

कार्यक्रमकी प्रमुख अथिति तथा बोर्ड अध्यक्ष निकीताले नेपाली चलचित्र क्षेत्रले आफूमाथि राखेको बिश्वास पूरा गर्न आफू लागीपरेको बताइन् । उनले फेरि फेरिलाई सफलताको शुभकामना दिदै आफ्नो कार्यकालमा नेपाली चलचित्र क्षेत्रको बिकासका लागि ठोस काम हुने दावी गरिन् । फेरि फेरिमा अर्पण थापा, ऋचा शर्मा, बिकास चापागाई, धर्मेन्द्र आचार्य, ओमप्रतिक गुरुङ, लय संग्रौला, रश्मी पाण्डे, ध्रुव कोइराला,एलिना बास्कोटा,सोनीका बास्तोला, राम बुढाथोकीलगायतले अभिनय गर्दैछन् । निरज थापा निर्माता रहेको फिल्म सुरेश बज्रचार्यले खिच्ने छन् । फिल्ममा एनबि महर्जनको द्धन्द्ध, रामजी लामीछाने र सुरेन्द्र बसेलको कोरियोग्राफी, पुरन थापाको गीत, बिकास चौधरी र पुरन थापाको संगीत छ ।

यसअघि ‘कान्छी’ मट्याङ ट्याङ निर्देशन गरेका पुरनले यो फिल्मबाट आफ्ना छोरा निरजलाई निर्माता तथा सहायक निर्देशकका रुपमा अघि सारेका छन् । हङकङमा फिल्म सम्पादन तथा कलर करेक्सनसम्बन्धी अध्ययन गरेका निरज पनि फिल्म निर्माण र निर्देशनमा लाग्न चाहन्छन् । चलचित्र बिकास बोर्डकी अध्यक्ष निकीता पौडेलको प्रमुख आथित्यतामा सम्पन्न शुभमुर्हत समारोहमा अभिनेत्री ऋचा शर्माका साथमा अभिनेताद्धय अर्पण थापा र धर्मेन्द्र आचार्यले मुर्हत सटमा अभिनय गरेका थिए ।

कार्यक्रममा फेरि फेरिको निर्माण कम्पनी माता बसुन्धारा मुभीजले प्रथम महिला बोर्ड अध्यक्ष निकीतालाई सम्मान गरेको थियो । लामो समयदेखि चलचित्रका बिबिध पक्षमा क्रियाशील अध्यक्ष निकीताको कार्यकालमा नेपाली चलचित्र क्षेत्रको श्रीबृद्धिको कामनासहित उनलाई सम्मान गरिएको निर्देशक पुरनले बताए ।

प्रतिक्रिया
हाम्रो टिम :-
प्रबन्ध निर्देशक/प्रधान सम्पादक : उत्सब रसाईली
अफिसियल फोटोग्राफर : उद्धव रसाईली
बजार प्रबन्धक : कुशल घतानी
ग्राफिक्स डिजाइनर : विजय बस्याल 'टौवा क्रियशन'
हाम्रो बारेमा
एउटा तीतो यथार्थ के छ भने नेपाली समाजमा फिल्मलाई अझ गम्भीर रुपमा लिइदैन । हल्का र टाइमपास जस्तो मात्र ठानिन्छ । प्रगतीतर्फ उन्मुख भए पनि कलाकर्मीलाई हेर्ने दृष्टिकोण अझ साँघुरो छ । र, यो सम्मानभावलाई अझ चुचुरोमा पुराउँदै फिल्म उद्योगप्रति सबैले सम्मान गर्ने माहौल सिर्जना गर्नु दायित्व पत्रकारिताको पनि हो । हामीले यसलाई अनुग्रह भन्दा कर्तव्य ठानेका छौं । त्यस्तै, कलाकार र दर्शकबीचको दुरी कम गर्दै फिल्मप्रति अपनत्व भाव विकास गर्न पनि हामी खुलेर लाग्नेछौं ।
© Copyright 2017 by RamailoChha